السلآم عليكم ورحمة الله وبركآته
وعليكم السلام ورحمة الله وبركاته
الله يجزآكم خيـــر أبي كل المعلومآت اللي تخص مشروع كوب الذره والبطاطا الحلزونيه والكرسبي اللي عنده خبره لآيبخل علينآ
بخصوص المعدات انصحك تتوجه للحراج وتاخذ معدات وكشك مستعمل افضلك في البداية وتوديها لمحلات الاعلانات وتسويلك شعار جديد عليه كلها لصق تحطه عليها
أبي كشك بمول تجآري تقريبا كم حيكون إيجآره كل سنه وكيف طريقة الدفع مقدم ولآ شهري ولآ كل 6 شهور ؟؟
الله يجزيك خير الاسعار تختلف من مول الى سوق الى كشك حسب المنطقة التي انت فيها
وكل تفآصيل مشروع الذره كيف نجيب الموآد الذره ....الخ
المواد من ذره والكريسبي تجيبها من مستودعات المواد الغذائيه تاخذها الي هي بطاطس كريسبي وذره مجمده وزبده نباتيه والخ اما المواد البلاستيكيه من محلات البلاستك جمله رخيصه

وهل احتاج ترخيص عشآن آخذ كشك ( كشك وليس محل ) ؟؟
احتمال كبير تحتاجه بس اهم شيء الكرت الصحي بس لازم تسال لانه في بعض المولات في جدة ما يحتاج رخصه والله اعلم
وكيف أضمن العآمل إنه مآيجيب ذره مثلآ وكآسآت ويبيعهآ هو له وأنآ أخسر لإني قريت نآس صآرلهم كذآ وقت بحثت بالنت ؟؟
باذن الله يرزقك ربي باعامل امين بس أرجوا منك ان تصنع لنفسك اشعار واللون مميزه على الكشك والكسات والاكياس وورق الكريسبي وغيرها وتحسب عدد كل شيءعدد الكاسات وغيرها وحاول تمره كل فترة سوي مداهمة وغير كذا حاول انك تتعرف على المحلات المجاوره اذا كان فيها سعودين او اجانب اجلس اهرج معهم وخذ كاسات ووارق الكريسبي ووريهم هي واشار على الكشك انت اساسا تاخذ رايهم وفي نفس الوقت يخاف العامل منك ولاتنسى رجال الامن .

وكم حيكون رآتب العامل تقريباً ؟؟
الراتب لاتسال عنه الان اول شوف المحل الذي ترغب فيه وشوف نفس العمال الذين لديهم نفس الكشك كم رواتبهم واسالهم ابغى عامل يشتغل عندي يمكن يجيبلك عامل مناسب

وكم يكون ربحه باليوم تقريباً ؟؟
العلم عند الله بس المعروف انها مربحه ولايوجد خساره باذن الله اهم شيء المكان في اطفال
الله يجزآكم خير أبي كل التفآصيل أتمنى تفيدوني

بالتوفيق يآآآآآآآآآآآآآآرب .."


اتمنى ان تضيف الى قائمتك البليله و شعر البنات و ايس كريم سلاش


اسال الله لك التوفيق والرزق الحلال وسمحني على التقصير



للأمانة منقول: https://www.btalah.com/showthread.*****..#ixzz1yQSpgMbB