اقتباس:
المشاركة الأصلية كتبت بواسطة فاطمة التميمي
ياويل قلبي يعني اخذتي لك لفة على حايل مشاء الله عليك
انا ولا اجرأ ياختي حوادث اسمع كل شوي عنهم لان لي ولد خاله وبنت خاله يدرسون هناك
اصلا حصل موقف رهيب لبنت خالتي ربي فكها من الموت
بيوم راح عنها السائق الله يرحمها
وهي ماحسبت غابت
صحت على خبر الحادث حصل لك صحباتها كلهم راحوا هوا
تقول بالبداية قهرني لانه يحاول يطفشني مايبي يمر علي العدد مكتفي والطريق لي ياخره
لكن يوم حصل اللي حصل قلت يارب كتبت خير والله يرحمهم
الواحد ينقهر على اشياء تبين بالبداية ضده لكن ينصدم لم بالاخر يكتشف انها خير له
وهالامور اللي تكدر كثير عشان كذا اخذت انطباع سئ عن طرق حائل
والسليمي محافظه بنت خالتي سكنتها فتره تقول مره مو حلوه وتخوف بالليل 
اكتبي اكتبي يمكن تنحل العقده عندي  |
انتي عارفه فيه قرى تبعد عن المدينه 200 كيلو واقرب وحده 180 كيلو معبد ومدري كم صحراوي
هذا كلام ناس بمنتدى ثاني
لو جاتك اللي 200 تسكنين او تطلعين بسياره لأني سمعت كثير سيارات تطلع لكذا قريه
انتي تقولي أخذت انطباع سيء شكلك رحتي لحايل بالطياره انا شفته الطريق حقيقه يخوف ماهو مشبك عن الإبل وغير كذا فيها لفات خطيره والشاحنات لا تعليق كثيره مره
مهما كانت خطورة الطريق ان كان السواق سواقته حلوه واخلاقه ماراح يكون فيه خوف اللي مايعدي مية اعرفي انه واحد يحسب حسابه لكن بعضهم الله يهديه يظن نفسه راكب كونكورد مطير فوق الـ 100
الطريق الجديد قريب يفتح ان شاء الله يخفف او يكون افضل شفت بدايته من المدينه شكله يطمن بس مدري عن الباقي ولا ادري متى بيفتح