صباح الخير
شباب وش ذا الكلام اللي ما يرضي أحد
أول شي أنا بقول اللي عندي وقبل كذا أنا ماني أفضل منكم
أنا أقل شخص فيكم والجميع و النعم فيه
ثاني شي
كل شخص يعتز في قبيلته مهما كانت قوية أو ضعيفه
كلنا عيال تسعه على قولتهم
و أبي أوضح شي بسيط
أنا ولد قبيله و معروفه و أصل و فصل و مدري وش بعد
وللحين ملحط بدون وظيفه بمعنى أن قبيلتي ما نفعتني
وغيري ماله لا أصل و لا فصل و لا حتى من الجزيره العربيه أو من حولها و ماسك أفضل المناصب في بلد القبيله
لذلك خلونا نترفع بـ ألفاظنا و أخلاقنا لاننا محاسبين من الله قبل كل شي و حنا مانا أطفال أقل واحد فينا عمره 21 سنه
لا تخلونا مضحكة للغير
و أخر شي
الامم تنهض بـ أخلاق شعوبها وليس بـ أصل قبائلها
وليكن في أوباما العبرة
أفريقي الأصل فقير المنشئ
يقود أعظم دوله و أقوى دوله في العالم
أسف على الأطاله