الله يوفقك اخوي بندر

طيب اذا ما فيه جامعة تقبل النسبة اللي حصلت عليها

تقدر تدرس انتساب ( وليس تعليم عن بعد ) رسومه 3000 بالفصل الدراسي

بجامعة الملك عبدالعزيز وتجيب معدل حلو وتحول انتظام

والرسوم تقدر ان شاء الله تدبرها بأي شغلة أو اذا يقبلك حافز

لكن مدري عنهم هل فعلا بيحولون الطالب بدون تعقيد أو لا

هم كاتبين ان المعدل ما يقل عن 3.5 لكن حسب تصفحي بمنتدى الجامعة طلاب جابوا هالمعدل وماحولوهم

كل ما كان المعدل اعلى كان فرص التحويل اكبر لأن المقاعد محدوده

وانا اتوقع انك اذا سجلت بتجيب معدل عالي على همتك ما شاء الله

كنت حابه ادخل اساعدك بأي شيء وما لقيت الا فكره التحويل لأن اعرف بنات بالجامعة ( جامعة الدمام )
ونفس الوضع انتساب وحولوا انتظام بعد ما جابوا معدل

وان شاء الله احد من الأخوة يفيدك بفكرة تناسبك

والله يوفقك يارب ويكتب لك الخير


شروط التحويل من الانتساب الى الانتظام
1.أن لا يقل معدل الطالب عن (3.5 من 5).

2.أن يكون التحويل حسب السعة المحددة للتحويل في كل كلية.

3.أن لا يكون الطالب قد درس ما يزيد عن نصف متطلبات التخرج .

4.ان يكون سعودي أو من أم سعودية .

5.ان يكون التحويل في نفس الكلية وحسب التخصصات المتاحة ولمره واحده فقط .

6.ألا يكون مضى على شهادة الثانوية أكثر من خمس سنوات من تاريخ حصوله عليها .



آلية التحويل
1.يتقدم الطالب بتعبئة الطلب على الانترنت.

2.متابعة الطلب حسب المواعيد الموضحة في تذكرة المراجعة.