الأخ moosy:
وعليكم السلام ورحمة الله وبركاته
راح أرد عليك ولا عندي تصريف ولا غيره,
اول شي: إذا تبغى تنفي الحسد عن نفسك بكيفك وما يعلم الي بقلبك غير ربك,
لكن أنك تنفي أن فيه ناس تحسد هذا شي بعيد عن المنطق والعقل, ببساطة لأنك ما تدري عن الي بقلوب الناس.
ثاني شي: راجع أسم الموضوع زين, أسمه بالنص: (المفاضلة التعليمية لخريجي الفصل الثاني)
أي فصل ثاني؟
محد حدد, عشان كذا يشمل جميع خريجين الفصل الثاني سواءً 32 أو 33
والآن خريجين الفصل الثاني 33 تقريباً صاروا أغلبية وكثار بالموضوع.
ثالث شي: إذا كلامي استفزك بشكل غير طبيعي فهذي مشكلتك, لأني ولله الحمد, وتشهد على ذلك كل ردودي ما غلطت على أحد بأي كلمة, والي بينقهر من رأيي من دون سبب بكيفه, هذا رأيي وأنا حر في طرحه.
رابعاً: أنا متابع طريقة الوظائف من العام الماضي وعارف أن المفاضلة صارت بتاريخ 6/5 وما شملتكم, وعارف انكم اظلمتم وعسى الله ينصر كل مظلوم.
لكن التصحيح لابد منه وتنظلم دفعه وحدة صحيح هذي مشكلة لكن حلها ليس بتوسيع دائرة الظلم على كل الدفعات الي بعدها,
وأكد لك أن فيه ناس من الترم الثاني العام الماضي يبغونا ننظلم زي ما حنّا انظلمنا,
وقالوا بالنص: (المساواة في الظلم عدل) وهذي المصيبة الي ما توقعتها من اخواننا المسلمين,
وإذا منت مصدق أن هذي الجملة انقالت راجع الردود السابقة في نفس هذا الموضوع في أول شهر 7 وراح تشوف الكلمة.
ولو نزلت المفاضلة بشهر خمسة الي راح زي ما تقول أكيد بنزعل زي ما انتوا زعلتوا العام الماضي,
وحسيتوا بمرارة الظلم, لكن الحمد لله أن الوضع تبدل وبندخل المفاضلة كلنا وعسى الله يرزق الجميع.
وبعدين حنّا ياخريجين الفصل الثاني 1433 ما نحاول ندخل مفاضلة مهي لنا,
لأني معي وثيقة تخرجي ولله الحمد يحق لي ادخل اي مفاضلة قادمة, فأي مواطن معه مسوغات التعيين يحق له دخول المفاضلة بغض النظر عن عدد الخريجين الي قبله أو الي بعده,
هذا هو الواقع وهذا الي صار ويصير بالوظائف كلها من يومها, وياخوي أنا قلتها وكل منصف قالها:
(القدماء تزيد عدد نقاطهم بالأقدمية, ولكن لا تكون الأولوية لهم في التوظيف).
تبغى تقنعني أن شخص معدله لنفترض 5 من 5 وخريج هذا الترم, وشخص آخر خريج العام الماضي أو الي قبله ومعدله 2 وتكون الأولوية للي معدله 2؟!هذا الكلام غير صحيح اطلاقاً ومستحيل يصير.
ولو كان الأمر كذا ما كانن بعض الأخوات متخرجات من 10 و15 سنة وتوه يطلع أسمهن وقبلهن توظفن الآلاف لأن نقاطهن أعلى, بل أني لقيت وحده هنا بهذا المنتدى متخرجه عام 1414 يوم كنّا في الأبتدائية, وتوه طلع أسمها, طيب ليش ما وظفوهن لأنهن الأقدم والأولوية لهن؟
لأن نقاطهن صارت أقل من نقاط الخريجات الي بعدهن, عشان كذا توظفن الجديدات قبل القديمات.
باختصار: المسألة بالنقاط وليست بالأولوية, الي بيقتنع اهلاً وسهلاً والي مو مقتنع ينتظر ويشوف.
وصدقني يا اخوي موسى أن المفاضلة راح تبدأ إن شاء الله وراح ندخل جميع مع بعض,
وراح تتم المفاضلة بيننا بالنقاط, ولن يتم توظيفكم ثم النظر إلينا بالشواغر, والي بتثبتلك الأحداث مو كلامي.
وعسى الله يرزقنا ويرزقكم ويرزق جميع مسلم بالرزق الحلال والجنة.