بسم الله الرحمن الرحيم
..........
بالدراسه بالوظيفه ولتحقيق احلامنا لابد من وجود حوافز ودوافع
باخذ مثال طالب بمدرسه .او ممكن جامعي او متوظف الخ
نجي للطالب اقرب واوضح
فلو طالب يدرس فقط عشان اهله او عشان يشوف اصحابه ويغير جو من البيت خصوصا اذا البيت كله مشاكل
فهنا تلقاه ماعنده حافز ودافع فعلي فقط هروب من مشاكل حوله
تلقاه دايم يرسب ومسبب مشاكل بالمدرسه والمخالفات وش كثرهاّ
وحاط بباله انو الدراسه حصص ممله وتضييع وقت ومعلمين غثيثين
نظره خاطئه جداااااّ
لو هالطالب
بالبدايه راسم خطه بباله وماشي على نظام معين ودافع ديني ودنيوي
يعني
من سلك طريقا يلتمس فيه علما سهل الله له طريقا إلى الجنة
بدايه يدرس ليرضي الله هذا اولاّ
ثانيا الحافز الدنيوي
لتحقيق ذاته وووجودهـ بالمجتمع
ومو عيب طبعا لو بجانب الدافع المعنوي دافع مادي ...
بس المهم مايغلب المعنوي
نظرتي دائم ان المال ممهم لكن ليس الاهم
نبدا من الحين باقي وقت نتغير للافضل
اذا كنا راسبين سنه سنتين عشر
مايهم ننسى
ماعندك دراسه وعاطل نفس الشي انسى
ونبدا صفحه جديدهـ
كلنا نبغى يكون لنا دور فعالّ بالمجمتع
كلنا مانرضى يطلق علينا فاشلين
كلنا رغبتنا نحقق احلام وطموحات
مافي احد فاشل في ارادهـ عزيمه تخطيط وتحقيق
اللي يشوف كلامي
ي ليت يجيب
ورقه وقلم
اكتبوا فيهاّ ابسط احلامكم
امنياتكم
الفشل لايكون موجود بقاموسكم
ولابحياتكم
اليأس ابعدوهـ عنكم
لو مانوصل للي نبيه اول مره ثاني مره عاشر مرهـ لاتستسلمون
انا اولكم
1 ان شاء الله بكون كاتبه مايهم وين وكيف يهم اكون كاتبه حتى لو بدون وظيفه رسميه
2 ان شاء الله الترم الجاي بكمل دراستي بالجامعه وانجح بمعدل ممتاز
3 الوظيفه ببحث عنهاّ ماراح استسلم وان شاء الله بيجي يوم القاهاّ
ان تحققت احلامكم بالحياهّـ جميل
وان لم تتحقق فالمهم النيه كانت موجودهـ
[انما الاعمال بالنيات ]
والاهمم حياتكم ماتضيع هباء منثوراّ
فالمحاوله افضل بكثير من عدمهاّ
اساسيات مهمه جدا قبل تطبيق اي موضوع من مواضيعي
1 الصلاه+القران
2 بر الوالدين
3 صله الرحم
4 تصفيه القلب من الحسد وتوابعه
وبالطبع كلها تحتاج لمجاهده
بس ومابي اطول دمتم بحفظه