بسم الله يا اخوان شيء صعب على النفس الشعور بالهزيمة شيء صعب جداً الاستسلام للفشل مثال واقعي ماذا سيحدث لو الاخوان الثوار السوريين اليوم استسلموا ورجعو للحالة الاولى ؟؟؟؟؟ هذا هو الفشل . نواصل التقرير في الرجعة من هانزو جلست اصور حتى طفى جوالي فما عندي صور كثير لرحلة العودة وهذا من عيوب الايفون هذي صور لاعمدة القطار الكهربائي - ناس تبني بنية تحتية صح للاجيال - والقطار الكهربائي توصل سرعته الى 300 ك في الساعة واكثر تخيل بيتكم هنا بحيرة وصلنا ايو ولله الحمد كانت رحلة موفقه رحلة سياحية وتغيير روتين العمل طبعاً ايو غير منظمة كثير فركبنا تكسي بدون العداد ومعنا كم زبون ولكن اللي لفت انتباهي انه يوجد لباس لمراتب السيارة لكل يوم بمعنى ان سائق التكسي يجب عليه ان يغيرة اللباس كل يوم بمعنى اخر لباس يوم السبت لا يستمر ليوم الاحد لانه مكتوب عليه بالصيني يوم السبت ولو شافته دورية تعطيه مخالفة - كيف عرفت هذا السائق قبل ان نركب معه غير اللباس ووضع لباس اخر ههههههه الله يصلح حالنا مع الكدادة يمشون طبلون الكامري من الرياض للقصيم ودخان ووجع راس . وصلت للفندق وراح يونس لهله وجلست اشحن جوالي وبعد صلاة العشاء ضاق صدري ما تعودت على الجلسة واقرب تكسي واتصل بصديقي احمد وقلت له بلغ صاحب التكسي يوديني لاقرب مول تجاري ودي اتمشى مليت من الغرفة ( هذي عيوب السفر لوحدك ) وداني لسوق تحت الارض مول كبير دورين تحت الارض يعني فوقة اعتقد حديقة يعني زي المواقف لكن مول تجاري هذي المره لا مترجم ولا احد ( اختبار التسوق في ارض ياجوج وماجوج ) الحقيقة غالي كنت باشتري هدايا وووو ولكن ما شريت شيء محلات كثير غالي قلت يمكن عشان شكلي يرفعون السعر ولكن الاسعار مكتوبة على القمصان ميزة المول فيه كل شيء مول كل واحد في حالة سمعت صوت موسيقا عالي جداً ومن اللقافة قلت خلني اشوف ( انكر عليهم ولا شيء ) وش طلع - صالة تزلج بالكفرات صورتهم فديو وهذي بعض الصور ( هذولا عرب ما يعرفون يمشون بالكفرات -- انواع الضحك ) هذولا صينيين عيال الديرة زي الطلقه وحركات بعد ( لو كان معي صديق كان اخذنا كم مسطة وطلعنا لكن الوحداني ماله نفس يضحك الناس عليه ) شنط كثير محلات العطور والمكياج ( العجيب محلات خاصة بالمناكير يعني تجلس الصينية وتمدد رجولها ويدينها ويجتمع عليها اقل شيء 4 صينيات وتطلع ملونة محلات كثير و صغيرة والغالب تشوف رجول طالعه من باب المحل لان المحل صغير اطراف الرجول برى وباقي الجسم جوى وهاتلك صبغ تقول ورشة دهانات كان ودي اصور لكن الوضع ما يسمح جزم حلوة وخفيفة لانجري محل زي عساكر مجسمات اطفال سكر السوق الساعة 10 وطلعت بصعوبة ولقيت العالم برى بسطات هذي تبيع ورود وهذا شحاته باستخدام الحيوانات وركبت مع هل مجنون معي كرت الفندق وريته واتفقنا ب 15 ريممبي هذا يعكس الشوارع وحالف الا يركب معي زبون آخر من رصيف الى الاخر حتى ركب معي بنات من امهات تنورة صغيرة جداً مدري وش اسمها . والحمد لله جت سليمه وللتقرير بقيه ان شاء الله