اقتباس:
المشاركة الأصلية كتبت بواسطة عاطله حدي
شوروا عليه عندي دبلوم سنتين حاسب ودرست في جامعة اجنبية سنتين تخصص قانون وماقدرت اكمل لان اقساطها عاليه . ونويت اقدم في جامعه سعودية انتساب واكمل بس احترت اكمل حاسب ولا قانون أيهم له مستقبل ؟ ماابغى ادرس على الفاضي بصراحه أنا مشتته مرة اقول اكمل حاسب ومرة اقول اكمل قانون ومرة اقول ادرس ادارة اعمال والله احترت . المشكله كلها فرص الوظايف فيها قليلة مرة شوروا عليه تفكون
|
الله يوفقك على حد علمي ما فيه انتساب قانون او حاسب واذا فيه لا تدخلين قانون بالمره لأني اعرف كذا واحد متخرج قانون جلس عاطل كذا سنة وواحد جلس 8 سنوات عاطل بس في الاخير توظف في ادارة التعليم في تخصصه ...
وادارة واقتصاد او ادرة اعمال اغلب اللي اعرفهم معهم ماستر في هاذي التخصصات متوظفين مدري هل ما فيه وظائف بالبكالريوس او ايش القصة مدري ...
لا تفكرين في هذا التخصص هذا التخصص اغلب اللي ياخذه الشخص الموظف يبي ترقية فقط .. او العسكري يبي رتبة ..
حاسب كويس بس لازم تنجحين بمعدل عالي عشان تكون لك الاولوية في التوظيف قصدي في ترشيح الديوان لك ولو تكملين ماستر فيه يكون ازين (( بس اسمعي نصيحتي شوي بقولها لك وانتي استخيري ))
ملاحظة هامه لازم تاخذين تربوي لازم لازم عشان ما يتم استبعادك من مفاضلة ديوان الخدمة لأنه قبل فتره جاء اعلان من الديوان تم استعباد النساء اللي ما معاهم تربوي وتم استبعاد النساء اللي معاهم دبلومات (( من المفاضلة في ديوان الخدمة المدنية ))
اذا بتسمعين نصيحتي وبكره تدعيلي ...
كملي انجليزي انتساب او (( تعليم عن بـُعد )) نصحيه مني صدقيني الحين اغلب الوظائف يبون انجليزي (( أقل شيء تطلعين مدرسّة الحين فيه عجز في مدرسات اللغة الانجليزية وصدقيني علبال ما تتخرجين راح تلاقين فرصتك في التدريس )) ولو جينا للوظائف الثانية الحين أغلب وظائف الصحة في المستشفيات الحكومية او العسكرية او في مديرية الشؤون الصحية نفسها او وظائف في التعليم او غيرها من الدوائر الحكومية يبون لغة انجليزية لدرجة انه على المرتبة الرابعه ويقلك (( يجيد اللغة الانجليزية )) والوظيفة تلاقينها (( كاتب ))
هاذي نصيحتي لك لا تضيعين 4 سنوات في تخصص ما يفيدك بشي ...
توكلي على ربك وادخلي لغة انجليزية ولو تدرسين في جامعه الملك عبدالعزيز يكون افضل لأني سمعت انها ممتازة ..
الله يوفقك