دليـلك الى برنامج اللغة الإنجليزية المكثف ..

ستجد إن شاء اللـه جميـع الاسآلة الي تخطر على بآلك ولآ لقيت لهاً اجوبـة .


1 / متى يكوٍن وقت الدوإم بـ البرنامج ..,؟

من الساعه 8 الصباح الى الساعه 2:40 الظهر.
" الغياب لااتحاول تغيب فيه حرمان من الدرجه ومن الماده اللي عندك "

2/مدة الدراسـة ..,؟
مدة الدراسه خمس شهور ، ( بدون إجازة ).

3/طييب لمـن اروح اول يوم وش بيسوون ؟
بيسوون لك اختبار تحديد مستوى يعني حل اللي تعرفه ولاا ماتعرفه اتركه لان الاختبار مو معتمد على الدرجه يبون يعرفون بأي مستوى يحطونك .

4/طيب ثآني يوم وش بيسوون ؟
اليوم الثاني يوم تهيئة وإعداد وتوزيع المتدربين على مستوياتهم .

5/طيب متى يبدء الجد في الدراسه ؟
يبدء من اليوم الثآلث .

6/طيب اللبس وش يكون الي نداوم به ؟
مثـل لبس الكليه " بنطلون أسود + قميص أبيض + حذاءاسود ".

7/طيب كيف المستويات ؟
فيه ثلاث مستويات بالدوره 1- زيتا 2- ايتا 3- ثيتا اخـر مرحله .

8/كيف الدرجات والاختبارات ؟
ناحيه الدرجات والاختبارات هي الدوره ثلاث اترام كل ترام 7 اسابيع في كل نهايات 7اسابع اختبار والاختبارات اسهل منها مافيه .

9/الكتب من وين ناخدها ؟
ناحيه الكتب مافيه كتب وطريقه التدريب قاعات مثل الكليه التقنيه باتمام
الدراسه بدون كتآب والمنهج عند المدرس خطه عنده
المواد : قراءة , كتابة , قواعد , أستماع , مفردات

10/وش جنسية المدربين ؟
افضل مافيها المدرسين لغتهم الام الانجليزية امريكان .

11/طيب اذا تخرجت وش الشهاده الي يعطونى وياها ؟
اذا بتتخرج من الدوره فيه شهادتين
1-شهادة تكون فيه المعدل واذا كنت ماتغيب ولاا يوم على مأظن يرتفع معدلك او يكتبونها لك
2- شهادة انك تحضر بس اذا كنت تغيب كثير بيعطونك شهادة حضور

12/طيب على المصاريف ؟
فيها مكافاه شهريه 990 .." تتأخر شويـةة"


13/هـل تعتقد الدوره تنفعني ؟
الدوره جدا مفيده للي يمتلك مقدره على التحدث بالانجليزية لانه بتطوره جدا لكن اللي مايمتلك مقدره يمكن انه تساعده قليلاا ..

14/ طيب في شرط حاطينه ، أن أكون متفرغ " غير موظف " وش الحل وياه ..,؟
من الدفعه اللي رآحت واكثر اللي معنا موظفين اصلن حاطين الشرط كذا بس ولا اكثر اللي كانوا بالدوره موظفين ولايبون يقطعون رزقهم اهم شي عندهم الانضباط وعدم الغياب ..!!!
وعلى ضمانتي اهم شي لاتقولين لحد انتي بعد مو لازم تقولين للكل انك موظفه .

15/هل الشهادة معتمدة لدى التعليم العالي ووزارة الخدمة المدنية؟
الشهادة معتمده من معهد خآرج المملكه

16/الاسلوب المستخدم في التدريس والاختبارات هل هي ((الكتروني ام ورقي :تحريري)؟
تحريري ( كتآبةة على الورق )

17/هل يوجد مستويات لهذة الشهادة (بالمعدل /او /التقدير) يحدد تميز الطالب ام انها شهادة انهاء دورة فقط!!!؟
يوجد اجتياز دوره ويوجد حضور دورة .. اذا جاك حرمان وكملت يجيك حضور دورة اما اذا كنت منضبط تجيك اجتياز الدوره

18/هل يستطيع الطالب معادلتها عندما يريد اكمال البكالريوس.(كما هو الحال بشهادة الدبلوم)...؟
لاماتستطيع تعادلها بس بتصير عآرف الانجليزي وبآختبآر تحديد المستوى بيصير مستواك غالي وبتخف عليك سنة اللغه كثير ..