[QUOTE=اسيرة الشرق;6465261]انا اخذو مني صوره من بطاقه العائله وصور من الشهاده وعطوني ورقه اشعار بالمطابقه فقط[/QUOTE]


نفس اللي صار معايا... بس انا جلست اسألهم عن كيف راح يكون وضعي بعد التعيين هل اقدر اعدل المستوى الوظيفي قالوا لي اكيد راح ترفعي تعديل مستوى ويتعدل ..
وسألتهم هل الوظائف مراقبة وكاتبة قالوا مو مواضح وما نتوقع انها زي كذا والله أعلم..
وسألتهم كمان هل اقدر أدخل مفاضلات التعليمي و مفاضلات حاملين الماجستير والدكتورة قالوا ايوا تقدري تدخلي اي مفاضلة..
وكمان قالوا لي انه في حال كلموني بعد المطابقة وماعجبتني الوظيفة او المستوى او المنطقة اللي فيها الوظيفة اقدر اسوي اعتذار من نفس الوقت بس اهم شيء قبل المباشرة ...

وقالوا احسن طريقة للإجابة على الإستفسارات نتصل على الرياض واعطوني رقم بس مره مره مو راضي يمسك الخط من الضغط ...

والله يكتبنا اللي فيه الخير ويرزقنا و أخواننا و أخواتنا اللي لسه ما اترشحوا الوظائف اللي يتمنوها ...

أعتذر على الإطالة