[align=center]


[align=right]..} كراسـي الأنتظار[/align]



بيض الله وجهك على البادره الطيبه
وجعلها الله في موازين حسناتك ، لأن
لو وصل هالصوت فعلاً ، لـ داؤود ومن ثم لـ وزارة الداخليه
أكيد بينظرون للموضوع بكل نواحيه ..


أنا عندك مواطن سعودي من سكان المدينة المنورة
عاطل من سنين عدد مرات القبول المبدئي اللي حضرتها
بعد معاناه من سلف وتعب ومن كداد لـ كداد ومن تكسي لتكسي
تقريباً 19 مره ، بكافة القطاعات حتى الجيش وهو الجيش
اللي يقبل بالكفاءه .. ردني ، والسبب الوزن

أنا طولي 170 لكن الوزن عندي ضعيف 45 حاولت كذا مره ارفعه لكن
اتعب تعب وأحي بخمول وكسل ومقدر امشي
وراجعت كذا دكتور وكذا مستشفى وكذا نادي والله ماأحصل
غير نظام غذائي .. وكلها خرطي .. ماعندك أحد

يعني فرقت على 5 كيلو .. والله ظلم

وفي مشاكل بالطوول كثيره ، أذكر بعام 1430 ردوا ولد عمي على نص سانتي
لا واللي يغبنك أكثر أنه دخل الدوره وكمل بالدوره تقريباً شهرين وجات لجنه
يسمونها (( لجنة مكافحة الواسطات )) وهو والله العظيم مادخل لا بواسطه
ولا شيء توافيق من ربك .. لكن بعد هالتعب كله قضبوه الباب
وش الظلم هذا يالعالم ..

لكن بعد ماأنطرد قعد اسبوعين وقبلته شركة الكهرباء (( درس سنتين ))
والحين ماشاء الله تبارك الله مرتاح مادياً ونفسياً وزواجه الخميس الجاي


إذا هم صادقين بهذي اللجان ليش ماتجي بوقت القبول المبدئي
ويخلون اللي داخل الدوره ... مو بعد مايضمن ويرسم أول مايتخرج
راح يسوي كذا وكذا وفجأه يشوف نفسه برا المركز

هذا طال عمركم في قطاع حرس الحدود

وهو نفسه يحلف أن في واحد معاهم وزنه 39 يقوول مرره نحيف
البسطار أحلف انه لو يلبسه ثقيل عليه .. كيف دخل مدري ...
ويقول يوم سوو اللجنه .. ماشفته معانا مختفي يعني بالواسطه
ويوم جاء العلم خبووه ...


أنا 19 مره يردوني على الوزن غير مره وحده بالأمن العام ..
عدوني طول ووزن ولياقه وكل شيء لكن جاء وقت الفحص
عديت النظر واللي يشوفونها المفاصل والكسور وكذا يعني
وطنقرولي على عملية بسيطه ماتجي تقريباً 3 سانتي
وهي عملية (( الفتاق )) بجنب واحد المشكله إنها على العانه (( عذراً ))
كيف شافها الدكتور مدري ... الله يشيله قاطع الأرزاق هذا



ومع ذلك أخوي للحين متأمل خير ولا تحطمت ولا شيء
وراح اقدم على العسكريه لين أشيب

والله ملينا نبي نمسك أنفسنا عن الحرام
من سرقه وزنا ولواط والعياذ بالله ومخدرات بأنواعها
والله إنهم يحدونا على هالأشياء

لكن مانقول غير (( حسبنا الله ونعم الوكيل ))




أخوي كراسي الأنتظار

أضم صوتي معك وبقوه

والوعد بأستديو داؤود >> تحلم كثير ههههه



وجزاك الله ألف خير
[align=left]..} رياض العمري[/align]


[/align]