اقتباس:
المشاركة الأصلية كتبت بواسطة TRANSLATOR
تبون الجد درست حوالي ثلاث سنوات اللي أحطه براسي والله ماينجح لو يموت ويموتون أهله أنا أدعو المدرسين لتطبيق نظامي الصارم
الاسئله الشهريه نوعين
سهل للي يستاهل
صعبه يعني صفر للي مو عاجبك وربي ليحسيولك الف حساب وحساب
ماأعجبك الفصل إختبار مفاجى وأرصدها شهري
جز وتزكل بالرحمن والله مايمشون الابالعين الحمراء
حتى لما يكلموني زملائي بعد مانقلنا يقولون الطلاب الله فكنا من مدرس الرسوب
الوزارة لاتنتظر منها تعاميم وتنظيمات في صالحك أنسى أصدر تعاميمك من رأسك وريح دماغك
|
طيب سؤال لك اخوي الكريم..
ايش الهدف من الصرامة وظلم الطلاب؟؟؟؟؟
الصرامه ماهي انك تكون شديد هذا اعتبره ضعف شخصية... الصرامة انك تكون صارم مع نفسك وحقاني بكل ما تحملة الكلمة من معنى...
والطلاب اللي انت درستهم هذولي غرس... انت تغرسهم.. وبكرا لين كبروا هم الحصاد.. اللي انت تجنية.. يا انك تخرج جيل يفخر فيه وطنك.. ونفسك.. يا انك لا..
الطلاب الصغير بكرا يصير كبير... واذا شجعته راح تكسب انت اجر اعماله هو اذا كبر وصار داعية او معلم ناجح. او طبيب يفيد الامه..
لا تتعذر بالوزراة وغيره.. هذا كذب الانسان من داخل نفسه..
يا نفسه تكون شيطانية وتمشي وره اوامر الشيطان.. يا نفسه يكون هو قائدها لما يرضي الرحمن..
اذا انت تقول ما ينجح الطالب.. وتفتخر.. اجل انا اقولك بالغلط وما كنت قاصدة يعلم الله.. نقصت طالبة ربع درجة.. نسيت اضيف هذي الربع درجة.. تذكرتها بعد تسليم الدرجات.. لين الحين براسي اتمنى التقي بالطالبة لجل تحللني.. لانها امانه في رقبتي...
واذا انت تدخل على الطلاب وفي راسك.. الوزارة..
انا ادخل وفي راسي
قوله تعالى: (وقل اعملوا فسيرى الله عملكم ورسوله والمؤمنون...)
(وإن منكم إلا واردها ، كان على ربك حتماً مقضيا . ثم ننجي الذين اتقوا ونذر الظالمين فيها جثيا )
اتمنى تدقق بالاية الثانية...