لكل اللي سأل عن اللي صار معي ... طبعا انا جامعي لأن للثانوي لجنة والجامعيين لجنه اخرى اول شي اسلم عليكم واقول لا تتوتر ولا تخاف ... اللي انقبلوا فالهم النهائي واللي ما كتب لهم الله التوفيق ان شاء الله يرزقهم بأفضل منها اليوم رحت الساعة 04 الفجر الوضع جدا مرن .. المهم رحنا المسرح والتوزيع حقهم يرفع الضغط المهم بعدها رحنا للقبو عشان الكشف الطبي ... اول شي وزعوا علينا بالطوا المجانين ^^^ فسخنا ما خلينا الا السروال القصير ولبسنا اللبس اللي عطونا اياه . ثاني شي تمسكون صف عشان تبدؤا الكشف الطبي ...... كل الاطباء سعوديين . أول شي ( العيون ) احلى ممرض في الكشف فلاوووي لأبعد درجه .. المهم الكشف عبارة عن اللوحه ( E ) هذي وين اتجاهها .. ما يحتاج عارفينها انتم ... وبعدين اختبار عمى الالوان سريع سريع ... ثاني شي ( الجراحه ) يشيك على ذاك وش فيه ويقولك كح ويسألك سويت عملية والا ... ؟ ثالث شي ( الاذن والحنجرة ) يشيك على اذنك والحلق ..... ويقولك وش تخصصك ويقولك بالتوفيق . رابع شي ( العظام ) يقولك اوقف ع الجدار وافتح البالطو خلني اشوفك .. اشبك رجولك .. لف .. اوقف ع اطراف رجولك ... تحرك ... كل شي سريع سريع خامس شي ( الاسناان ) يجيب ذيك الخشبة الصغيرة حقت الايسكريم ويشيك ع الاسنان وما يسأل اي سؤال .... مؤدب سادس شي ( الطول والوزن ) تشيك ع الطول والوزن .. يسأل وش تخصصك وانا يا شباب طولي 166 ووزني 75 و قاس الضغط عندي وقال لي بالتوفيق .... سابع شي ( النفسية ) يسألك ليش اخترت العسكرية وانا بحكم اني اخصائي ما استرسل معي على طول قالى بالتوفيق .... بعدها ادخال البيانات ينادوا اسمك ويقولون لك رح المقابلة والا توكل عالله المهم انا الحمدلله اجتزت الكشف ورحت المقابلة فيه ( الاقسام الادارية - الحاسب ) ( الاقسام الصحية ) والثالثة والله ما اذكر لأني احتست وانا ادور ملابسي اللي حصل اني دخلت على المقابلة وقعد يسألني متى تخرجت ووبن طبقت وش استفدت من التخصص وفي الآخر ليش اخترت العسكرية // ملاحظة : كل واحد يحاول يشغل أو يعبي مخه من التخصص والمعلومات العامة والدينية لأنهم بيسألو عنها . هذا اللي صار معي اليوم .... وربي يوفق الجميع بالقبول النهائي ومضه : الحديث القدسي ( انا عند حسن ظن عبدي بي , فليظن بي ماشاء ) .