اقتباس:
المشاركة الأصلية كتبت بواسطة حاسب دبلوم
ريان السفينه تكفا ان كنت تذكر اسئله الانجليزي اسدحها كلها على شان احفظها تراني في الانجليزي شوي تعبان
واي عضو يسدح كل اسئله لانجليزي يمكن تكون سبب في قبولنا يارب وفق الجميع
انا سافرت الحين في الرياض من الحماس مع ان مقابلتي يوم الاثنين لكن ماجبت بطاقه الوالد الاصل
وش السواه علما باني متوزج وعندي بنوته اليس كافي كرت العائله حقي
|
الآسئلة بسدحهم لكم بس بالآول بجاوب على سؤال بطاقة الوالد ..
يا طويل العمر و السلامة حتى لو نسيت بطاقة الوالد .. كلم أي احد يرسلك بالفاكس صورة لبطاقة الوالد و بطاقة العائلة حقت والدك بعد .. لانه مو ضروري تجيب الأصل .!! عادي تجيب نسخ .. صورة بطاقة الوالد و صورة بطاقة العائلة لـ والدك .. عشان اسم امك يتآكدون منه ...
ثاني شيء الأسئلة يا طويل العمر ..
أول ما دخلت المقابلة :
شنو اسم و كم عمرك ؟؟
تكلم عن نفسك بالعربي ؟؟ يعني ترجع تقول اسمك فلان ساكن بالمنطقة الفلاني متخرج من المكان الفلاني و كذا يعني ..
بعدين يسآلونك Talk about yourself يعني تكلم عن نفسك .. طبعا بالانجليزي
و انت تجاوب مثلا :
My name is Ahmed .. I am 25 years .. I live in Dammam .. And a graduate of the College
of Technology .. My major is computer
الترجمة : اسمي احمد . عمري 25 سنة .. انا اعيش في الدمام .. و متخرج من الكلية التقنية .. تخصصي هو حاسب آلي ..
بيرجع النقيب يسآلك ..
What are your hobbies ؟؟
What would you like ؟؟
الترجمة : ماهي هواياتك ؟؟ أو ماذا تحب ؟؟
جاوبه عاد انت .. قوله Football and swimming
احب كرة القدم و السباحة .. عاد كل واحد و مزاجه و هواياته ..
وقتها بيستظرف عليك العقيد شوي بيقول كلكم تحبون الكورة ؟؟ و بيقولك شنو تشجع !!
المشكلة واحد فيهم هلالي و الثاني نصراوي .. ما تدري ترضي من و تزعل من !!؟
هذا اللي حصل معي وقت المقابلة الشخصية بالضبط . .
و أتمنى الشرح يكون وآفي و آتمنى التوفيق لكل المتقدمين للوظائف ..