المشاركة الأصلية كتبت بواسطة المتفائلة للأبد

هلا خلود

توني أشوف سؤالج


أن أخذت الكشف الأربعاء و بسويه السبت

و قالوا متى ما خلصتوا جيبوه و سمعت و الله إنه يطول

و الله يسهل يا رب ،، عموماً ما ذكروا حد أقصى لتسليم الكشف و لو سمعتي في بعض البنات ما راح يستلمون الكشف إلا الأسبوع الجاي


بخصوص النقاط

علمي علمج ما أدري كيف يعرفون آخر نقاط مرشحة في كل منطقة

طبعاً فائدتها في الرغبات

أنا هذا اللي فهمته من طريقة المفاضلة و لو فيه خطأ اعذروني

الحين احتياج الشرقية 723

بيرتبون البنات اللي اختاروا الشرقية كرغبة أولى من أعلى نقاط إلى أدنى نقاط

بياخذون منهم قد الاحتياج يعني 723 مرشحة

و نفرض آخر وحدة كانت نقاطها 85 مثلاً يعني

اللي بعدها في الترتيب مثلاً 84 لو اكانت رغبتها الوحيدة الشرقية خلاص راحت عليها لأن احتياج الشرقية خلص

لو كان عندها رغبة ثانية بيحققون لها رغبتها الثانية لو كان فيه احتياج

علشان كذا تشوفون في حالات

بنت مثلاً نقاطها 84 و اختارت بس الشرقية ما راح يطلع اسمها

بينما بنت نقاطها أقل منها 83 مثلاً بيطلع اسمها بس بيحطونها على الرغبة الثانية مو على الرغبة الأولى ( الشرقية ) لأنها حطت أكثر من رغبة