اقتباس: المشاركة الأصلية كتبت بواسطة جيوتسنا صباح النور ياماريهو .. جمعه مباركه الله يبارك بعمرك ربنا يبلغنا رمضان بفرحة قبولنا ايوا خلاص عرفت صحبتك بحثت عني يوم المقابله بعدين التقيت فيها وخبرتني انها تعرفك وحبت تشوفني ... ربي يسعدها بالنسبة للتخصص اللى قلتي ليا عليه هوا كان بس وحده فيه وماعرفها واما تخصص الانجليزي ماشاء الله كلهم لهم خبره وبعض منهم كانو بتعاقد ربي يوفقهم جميعااا بالذات اللى معنا بهالتجمع ارسل سلامي لها حقولك وش صار معايا اتصلت على شخص وبس اسئل عن كل حاجه بعد ماخلصت اسئلة قال ليا يابنتي انا تركت الشغل هههههههههههه ارسلي رقم الاستاذ ناصر الصبحي المسؤول عن اعلان النتيجة اتصلت عليه وقال ليا الموضوع ماحيطوووووول الايام الجايه يوم الاثنين تم عقد اجتماع اللجنه للمقبولين والمقبولات والاكيد انو هالاسبوع الجاي يتم الاتصال واعلان النتيجة والاسبوع اللى بعده لاكمال باقي اجراءات التعيين والكشف الطبي قبل رمضان خلاص هانت انتظرنا كثير ويارب يكون نتيجة انتظارنا حاجه حلوه حكون بانتظار خبر حلو منك جمعه مباركه علينا وعليك غاليتي جيوتسنا .. وربي يسلمك يارب .. والله أخبارك حلوه وتفرح القلب من زمان ننتظر خبر مبشر بقرب الفرج ماشاء الله عليك مافقدتي الأمل أنا خلاص بعد المدة الطويلة هذي مليييييت وماصرت اسأل عن أي شي إلا كرهت أبوها .. لكن ربي يكت لنا الخير وين ماكان .. أخوي قاهر الأزمان أنا من رأيي مايمنع إنك تداوم بوظيفتك دامها في يدك فأمسكها لحد ماتطلع نتائج الجامعه وإذا طلع اسمك مع المقبولين بإذن الله فأسحب على الديوان << الحكايه إنه عصفور في اليد خير من عشرة على الشجرة لاتفرط بإلي في يدك لحد ماتلاقي البديل ... وإن شاء الله ماراح يأثر دوامك على وظيفة الإعادة فلو طلع اسمك بكل بساطة تقدر تتنازل وتنسحب من وظيفتك الأولى وبالأخير القرار لك اعقلها وتوكل لكن لا تصعبها وتشيل همها وهي مسألة بسيطة ومكتوب فيها الخير لك في كلا الحالتين ربي يسهل دربك ويوفقك .. اللهم بلغني وجميع المتواجدين والزائرين للتجمع رمضان ونحن من المقبولين برزق الدنيا ومن المقبولين بالآخرة ويسر أمورنا جميعا واكتب لنا من خزائن رزقك أفضل مما نريد ..