السلام عليكم ورحمة الله وبركاته
حدخل في الموضوع على طول ايش رايكم نستفيد بجزء من حافز
ونساعد بعض بافكار مشاريع لشهر رمضان لانو موسم خير في الدنيا والاخرة
وانا حبدأ: بسم الله
عندي فكرة مشروع عملها اخويا قبل فترة وماشاء الله نجحت معاه
وافكر اعيدها انا السنة دي من حافز بادن الله واجرب
اللهم بلغنا رمضان واحنا بكامل صحتنا وايماننا وانتصارنا على اعدائنا
المشروع يمكن يكلفك الف ريال من حافز
700ريال تشتري منها شوكلاتة من النقلي او اي شوكلاتة طعمها حلو بشرط بالكرتون مش بالكيلو
و300ريال صحون وشرايط وورود يعني اشياء التغليف ممكن من التحف او الصحون
المناسبة الي في البيت
والافكار مليانة في النت صور تغليف حتى الشباب يقدروا يعملوها
وليش قلت بالكرتون مش بالكيلو لان اخويا لمن اشترى بالكيلو خسر ولمن اشترى بالكرتون
سار سعر الكيلو الي في الكرتون اقل والكرتون فيه اكتر من كيلو
حيطلع عليك االكيلو ارخص في الكرتون يعني الي ب70 ممكن يسير ب50 او اقل
طبعا النجاح يعتمد على الله اول ثم على طريقة تشكيل الشوكلاتة والتزيين
اخويا باع الصحن ب35 ريال ويقول طلع بربح معقول
مثلا تجيب صحن وسط وتعمل قاعدة للحلويات سواء من جرايد او فلين او اي شي
وتغلفه بسولوفان مقلوب او قصدير خفيف او الي يناسبك وترتب عليه الشوكلاتة
بشكل حلو وتغلفها وتحط الشرايط او الوروود للتزيين وثبتها في الصحن
طبعا الصحون والشرايط من محلات الجملة او من الي معاك في البيت
طبعا في ناس تقول بدري على الموضوع لكن انا بالنسبة ليا ويمكن الي يستلمون حافز
حتروح ملابس واغراض البيت ويجي العيد وما معنا دخل ولا بقي قروش نعيد فيها
وفي مشروع تاني للبنات في رمضان
الي هوا المعجنات المفرزة الي تعرف تطبخ
تصدقوا وحدة مقطعة عجينة البفبستري مربعات صغار وبايعتها على اختي
وهيا ماتكلف 10 ريال يمكن بايعتها بتلاتين
فكروا بمشاريع بسيطة لرمضان نقدر نستفيدمنها من حافز لو بجزء بسيط ونزلوها هنا في دا الموضوع
وبكدا نكون ساعدنا بعض شو رايكم
واسفة على الاطالة وان شاء الله تكون عجبتكم واي فكرة تجي فبالي حرجع اكتبها