اولاً مافتح الموضوع هذا الى لفائدة الجميع ومساعدة بعضنا بعض وليس مثل بعض الشباب الله يهديهم الي لا اخذو الي يبونه سحبوو ولا بغو شي رجعو ثانيه !!

وبسمي وبسم كل الي بالتجمع هذا أقدم الشكر لخوي مآيكبرني لقب و ست وستون الي بصراحه ماسال احد عن شي الا وجاوبوه الله يعطيهم العافيه .



عاد وش اسموه انا جيت بوضح كم نقطة بما أني اختبرت أدعولي بالقبول والتوفيق ان شاء الله :-


1- مايطلبون بالاختبار الا بطاقة الهوية فقط !

( وصارت لي قصه بهالنقطه لاني ماعندي شهادة مصدقه فقط صور وكنت مضبط وضعي ومركب الاغراض بالسياره بس بقي اشغل واتوكل على الله ويوم قريت نقطة الشهادة المصدق شوي وبغيت اهون وانزل اغراضي واسحب ع الاختبار لكن الحمد لله قلت بروح ويبي يسره الله وفعلا ولله الحمد ماطلبو الا الهوية فقط )

2- اختبار الانجليزي اشوفه حلو صراحه لكن الرياضيات هو الي قلق

3- مدة الاختبار كل مادة ساعه ونص

4- يجب الحضور قبل الموعد باقل شي ربع ساعه على شان يمديك تحصل اسمك قبل الزحمه وترتب امورك .

5- المركز فيه قاعتين للاختبار وعلى كل باب للقاعه ملزقين اوراق فيها اسامي الي يبي يختبرون ورقم جلوسهم


6- الجوال عادي تجيبه لكن يطلبون منكم تقفلون الجوال موب تحطونه ع الصامت ولا الهزاز وتحطونه تحت الكرسي


وهذا الي اذكره أتمنى أني قدمت معلومات مفيده وبالتوفيق للجيمع ان شاء الله ,,

ولاتبخلون علي بدعواتكم بالقبول ان شاء الله