[align=justify]
بسم الله نكمل
بعد ما تروحين للمدرسة في أول يوم وتوقعين على سجل الحضور، ممكن إنك ما تداومين وبتسمح المديرة بذلك لأنك رحتي إدارة التعليم ومكتب التوجيه وتعبتي من اللف والدوران.
ومهم إنك تروحين للمدرسة تسلمين الخطاب لو الظهر، وإذا رحتي ولقيتي المدرسة مسكرة ولا فيها أحد، إرجعي ثاني يوم وقولي للمديرة إنك جيتي المدرسة ومالقيتي أحد وترفع لك المباشرة بتاريخ الأمس، طبعا هذا الكلام في حال جاك التوجيه في إجازة المعلمات وبعض إدارات المدارس يتساهلون يداومون يوم ويغيبون يوم.
إذا بدأتي الدوام، فالمديرة تطلب من الوكيلة إنها تأخذك لغرفة المدرسات وتعرفك عليهم وعلى المدرسة، وإذا فيه مكتب شاغر عطوك إياه وإذا مافيه يقولون لك تشاركي مع أي معلمة في مكتبها، المدرسات لاحقا يشترون لأنفسهم مكاتب، هذا في المدارس القديمة والمستأجرة.

طبعا السؤال المهم جدا بالنسبة لنا هو:
كيف سندرس؟
إذا جيتي في إجازة طالبات إسألي المديرة إذا فيه الآن دورات تدريب للمعلمات الجدد وفيه إمكانية إنك تلتحقين فيها،
إذا ما فيه دورات، أو إكتمل عدد المتدربات، المديرة بتخليك تحضرين لمعلمة ممتازة في نفس المدرسة أو في مدرسة قريبة منها، حتى تتعلمين شلون التحضير والشرح.
فيه شي إسمه ملف المادة عند المديرة، إطلبي الإطلاع عليه، عشان تشوفين أحدث التعاميم فيما يخص مادتك.[/align]