[align=center]اخي الرابحون
وفقك الله وجزاك الله عنا خير الجزاء

1- ممكن تعطينا مواقع تسوق صينية أفضل و أرخص من علي بابا؟؟؟؟؟؟؟؟؟؟؟؟؟؟؟ تكفى ياخوي.

2- ممكن توضح لنا كيف طريقة التعامل مع المبالغ الكاش ؟

وهل تنصح إني آخذ راس المال كامل او آخذ جزء بسيط والباقي افتح له حساب في بنك أوف تشاينا وأخلي اخوي يحول لي على حسابي الصيني؟

هل بطاقة الفيزة مهمة هناك ؟

طيب اذا كان راس مالي 100.000 مئة الف ريال هل تنصحني إني آخذه كله والا آخذ منه جزء كاش والباقي أسيبه حتى توصل بضاعتي وبعدين ارسل الباقي للمكتب ؟

3- عندي سكر والأنسولين يحتاج دائماً لبروده . لو حطيته في ترمس بداخله ثلج هل تتوقع أني راح أواجه مشاكل في المطارات؟

4- أنا اشتغلت في توزيع البخور والعطور وأطقم الهدايا اللي بداخلها عطر وجل شور ولوشن وهذه الأخيرة صينية وتنباع في محلات الجملة الدرزن على 360 الأطقم الثلاث قطع و 420 الأطقم الأربع قطع و 540 الأطقم الخمس قطع وشقت عليها سحب هائل . ابي اعرف في اي مدينة أقدر الاقيها في الصين وأي المدن تشتهر بهذا النوع من التجارة .
وهل تنصحني بالصين بالنسبة للأطقم ام دبي؟

واعذرني اخوي طولت عليك ولكن يعلم الله انه مافي عقبه توقف بيني وبين الصين الا الأمور هذه واتمنى الاقي منك الجواب الشافي. وياليت لو ترسل لي ايميلك و رقمك عشان يكون بيننا تواصل لأني حاب أتعامل مع مكتبك.
ولك مني كل التقدير و الاحترام.

أخوك/ ابو ابراهيم[/align]