بقولكم ياشباب عن اللي صار معاي بالمقابله 1 .. وطبي 1 وطبي 2 اعتقد انكم عرفتوه
المهم ..
دخلت على اثنين عميد وواحد لابس ثوب وشماغ .. (اخو الشعلان)
في البدايه جاني توتر بسيط ..
قالي اسمك .. قلته اسمي .. وتخصصي .. قالي حط يدك قدام .. فوق .. جنبك .. يالله انزل المس الارض .. ولا ماتقدر..؟ صفطت اصابعي على كفوفي ونزلت .. قال حلو ماشا الله .. انت تعلب رياضه حديد قلت ايه .....(((( هنا بدء في النقاش بطريقة التحفيز)))).... قال طيب ماقد ضربت احد؟؟ قلت لا .. قال ليه ..؟ قلت وليه اضربه .. قال انت ماشي بالشارع ولف عليك قلت لا .. قال سبك ..قلت لا .. قال لف عليك وسبك وقالك كلام وصخ .. قلت لا .. قال طيب وش تقوله .. قلت بقول الله يسامحك ومشكور .. قال مو معقول اجل ليه تلعب حديد.. قلت العب عشان صحتي ومظهري وهندامي .. قال طيب فيه واحد يغلط عليك .. قلت طبيعي جدا القى ناس عقولها صغار .. ماني بصغر عقلي ... قلت تسمحون لي بسؤال ..؟ قالو تفضل قلت الحين انتو دكاتره صح ..؟ قالوا ايه .. قلت لو جاك طفل في الابتدائي بتناقش معه بفكرك وعلمك ..؟؟ .. سكتو الاثنين 
..قلت هذي الفكره اللي ابي اوصلها..
قالو خذ ورقه واقرا السؤال بصوت عالي :
الورق قدامي مكشوف : اخذت الورقه وكان السؤال :
من الاخطر حرامي السيارات .. ام السكران ..؟ مع التعليل ..
قلت السكران قال ليه .. قلت لان الحرامي غرضه واضح .. لكن السكران بيسكر وممكن يسرق ويقتل او ينتحر المهم .. تكلمت واجد .. ... قالي طيب تعرف ايه من القران على السرقه .. قلت اعرف بس القرآن مافيه مجال للاحتمالات .. قال وشهي .. قلت (والسارق والسارقه) .. قال ايوه كمل قلت ماني بحافظها والله .. المهم قال الايه وكملت معه .. قال طيب والزنى .. قلت معرف .. قال (والزانية والزاني) .. قال ليه هنا بدأ في اية السرقه بالذكر.. وبدأفي اية الزني بالانثى .. المهم تكلمت ((طفشت من الكتابه ))..
المهم
قال طيب خلاص بالتوفيق ..انتهيت من العميد جاني اخو الشعلان .. قال كيف تقدر تخدم الوزاره بتخصصك
؟؟
((( وهنا ارتحت)))
قلت حدد وين تقصد بالمرور ولا الشرطه ولا الوزاره نفسها ولا وين ..؟ قال اي شي قلت مجال تخصصي واااسع حدد.. قال المرور .. قلت الان انت في وقت تخاطب فكر وتخاطب ثقافات .. غير زمن اول عندنا جمهور بحاجه للنصيحه والتوجيه نقدر نوصله عن طريق الاعلام المرئ والمسموع والمقروء... قال طيب نفس اللي يصير عندنا .. قلت اعذروني بكون صريح معاكم ..وش اللي يصير عندنا ..برنامج امن وامان ..؟؟ ولا ايش بالضبط ..؟ انا ابي اعرف انا كمواطن ايش استفيد يوم ينشر في التلفزيون انها تمت احباط عمليه تهريب مليونين واربعه ولا اربعه وعشرين مليون ...؟؟؟ حبه مخدره..؟ولا تم رصد كذا كذا مخالفه ..؟؟وين الفايده ..؟؟ انا من درست الى الحين ماقد شفت رجل مرور او عسكري امن جاني في المدرسه ونصح الا مره وحده .. ليه مايكون في تعاون بين وزارة الداخليه وبين وزارة التربيه والتعليم .. بحيث انها تزرع البذره اليوم .. ونلقى حصادها بكره .. مكافحة المخدرات .. مانشوفهم الا في المداهمات .. وين النصيحه .. ؟؟ المهم كلام كثير .. وبعدين فيه شي عندنا للاسف لايطبق .. من مهام تخصصي اني اعتني بالجمهور الداخلي اللي هم زملاي زي مااعتني بالجمهور الخارجي لان العلاقه بينهم تكامليه.. وبس .. ((((طبعا صار الموضوع بيني وبينهم نقاش اكثر من مقابله)))
قالي اخو الشعلان طيب اقرا سورة الناس .. قريتها .. يبي يشوف السين
قال اقرا سورة الكوثر قريتها يبي يشوف الراء .. قالو لي بالتوفيق ..
وانتهت مقابله واحد .. هذا للي طلبها بالتفصيل الممل .. خذيت يمكن 8 دقايق معهم
مقابله اثنين .. يسألك من كلامك انت
نصيحتين ::
1/اعرف ايش قاعد تقول للرجال في مقابله 2
2/خلك واثق وطالع فيه ..
انا طبيت لي في واحد باااارد .. يمزمز على الكلام ..
اعذروني على الاطاله