* مسسسساكم الله بالخير جميعاً احب اطمن الاخوان اللي ينتظرون مواعيدهم ان الامور بإذن الله سهالاات ، الواحد بس يتوكل على الله ويروح ويسعى ، لا احد يقول ماني برايح عشان عيوني والا مدري وشو ، ي جماعه التوفيق من الله سبحانه .. ي شباب انا كنت قبل اروح موعدي اقول ي ليييل انا لو عديت من الوزن ماني معدي النظر ولو عديت النظر ماراح امشي باللياقه والمقابله ، نفس التفكير اكيد عند البعض ي ربي لك الحمد كل الامورمشيت بسهاله من رب العالمين بالنسبه لتجربتي ع السريع ي اخوان اول شي النظر كنت خايف كثير ، انا قبل ثمان شهور سويت عملية ليزر عشان كان عندي فايروس بالعين يعني حتى بالنظاره مااشوف ، وسويت العملية وخف الفايروس بس ما راح نهائياً ، المهم رحت كشفت بالمستشفى وكان نظري ناقص نص تقريباً ف اليمين وزايد درجة الا ربع ف اليسار والله النظر عندي خاايس ي اخوان بالحيل ، المهم رحت وتوكلت على رب العالمين وفصلت نظاره ما اشوف السطر الاخير واللي فوقه اشوفه بصعوبه ، مالكم بالطويله ، رحت واختبرت اول شي بالكلية نظر ، والله ي اخوااان سهااله اصلا ماينزل السطر الاخير يفرفر بالنص واذا مره شطح السطر قبل الاخير وانا على الله بعضها قلتها كذا بس موب شايفها والحمد لله بعدها رقمين عمى الالوان وتضرب الباب ، لا احد يخاف من النظر ، واحد قدامي جلس نص ساعه ' مبالغه ' بس يبون يساعدونه والله كل شوي يعيدون له وبعدهاالاسنان حبيب جدا ولا ثانيه تاخذ معه والانف والاذن نفس الشي وبعدها تنطلق تقيس الضغط والنبض وبعدها على المختبر والامورطيبه ثلاث براويز دم وبعدها تعبي نص العلبه ف اللفه ، كرمتوا جميعاً وبعدها تنزلون للباص وعلى المستشفى بالكليه قسم الاشعه تروح يصكونك ب اشعه صدر وظهر وحوض وانت واقف ع الماشي وتتوكل على الله ، هذا طبي 1 ي طويلين العمر