[align=center]في يوم السبت الماضي يعني قبل يومين بتاريخ 15/8/2009 كان عندي إختبار في مبنى الخطوط السعودية على خط الدمام الخبر الكباري .. والله وبالفعل رحت الإختبار !!

وياليتني مارحت , الاختبار كان صعب جداً مثل ماتوقعت وسمعت تقريباً توفل الا شوي .

اول حاجه كان الاختبار من البريتش كاونسل عرفت من القلم تبع المدرس .

الاختبار مقسم الى 4 أقسام لكل قسم وقت محدد .

أول شي بدينا فيه هو اختبار الرايتنج , عطانا مثل المقال القصير ويبغانا نعلق عليه وندعم الاجابه بالامثله يعني اللي مايفهم في الانجليزي لايتعب مخه احسن له , انا يالله فهمت السؤال فما قدرت اكتب شي اصلاً , كان مدته 20 دقيقه .

بعدها انتقلنا للقسم الثاني .. اللي هو قطعه ومجموعة اسئلة تجاوب عليها من قراءتك للقطعة هذي ممكن تقدر تمشي حالك فيها لكن عني أنا مافهمت شي من القطع كلها وكانت الكلمات كلها معقدة وماتمر عليك ابداً إلا اذا كنت دارس بالانجليزي مثل جامعة الملك فهد , والاسئلة معقدة كذلك .
طبعاً كان فيه اكثر من قطعة ومجموع الاسئلة 50 سؤال والوقت 50 دقيقه لكن مايكفيك .


القسم الثالث كان الاستماع .. يشغل لك شريط في البداية يشرح لك كيف السؤال وطريقة الاجابة , هي الطريقة كانت مقاطع معينه تكون مختصة للإجابة على 3 اسئلة مثلاً لما يخلص المقطع يبدا يعيدلك كل سؤال ويعطيك وقت تجاوب ولما يخلص يبدا في مقطع ثاني وهكذا .
وفيه اختلاف بسيط في الطريقة بين كل فقرة وفقرة لكن الفكرة واحدة وهي الاستماع لابد تكون سرعة البديهة عندك عاليه في الانجلش وتفهم كل الكلام يعني بصراحه صعب .
عدد الاسئلة 40 سؤال المدة 25 دقيقة .


بعدها القسم الثالث تقريباً عن القواعد جمل يتوسطها فراغات وتكتب الكلمة المناسبه , لكن صعب جداً يعني مو مثل اختبارات القواعد على الانترنت , الاجابات نفسها عباره عن جمله فيها 3 او اربع كلمات فـ تتعقد على بال ماتوصل للخيار الصحيح ولا اتوقع توصله اصلاً الا بالتأليف .
عدد الاسئلة ناسي والله لكن تقريباً 40 سؤال في 30 دقيقة .


القسم الاخير جمله فيها خطأ واحد , ويعطيك أربع خيارات في نفس الجمله وتشوف وين الكلمة الخطأ هذا سهل ممتنع الخطأ فيه وارد وبقوة , 40 سؤال في 25 دقيقة .

طبعاً جميع الاقسام ماعدا الرايتنج , اختيار متعدد من 4 خيارات .


المضحك في الموضوع والي استغربته فعلاً هو عدد المختبرين , هل كل دفعه لها وقت مختلف .
كان عددنا 12 متقدم فقط .
صحيح هذا في الشرقية فقط لكن برضوه يعتبر قليل إلا اذا الرياض وجده اعداد كبيره مع اني ما اتوقع .


عموماً الاختبار بكل بساطة يحاكي طلاب خريجين الجامعات التي تقوم بتدريس طلابها باللغة الانجليزية من الى مثل البترول , لذلك اعتقد والله اعلم انهم لم يجدوا الصعوبة التي ذكرتها في الاختبار نظراً لتعودهم على كلمات كـ هذه واختبارت كـ هذه .

لكن إذا كنا نتكلم عن طلاب جامعة الملك فيصل وسعود وعبدالعزيز , اعتقد انهم سيوافقوني في صعوبة الاختبار حتى لو دخل الطالب دورات لمستويات متقدمة يبقى صعب بالنسبة لهم .
[/align]