السلام عليكم و رحمة الله و بركاته

صباح الخير للجميع

ان شاء الله انكم طيبين و بخير


اعتذر للغياب اللي حصل مفأجاه انا الان تخرجت من الـ 45 يوم حقت الحرس الملكي و الحمدلله عديناها في 4 ايام بس من اصل 45 يوم <~ قويه صح


ههههههههههههههههههههه


رحت لهم قالوا لي تعال بعدين حنا نتصل عليك احتمال بعد عيد الفطر
صرفوني
مدري وش العلم

المهم يقول المثل الحق الكذاب لين باب بيته
وهين يالحرس الملكي يا انا يا انتم


فيه شي ثاني حبيت اذكره لكم حصل خلاف بيني وبين احد الاعضاء في سالفة صنف حق الصاعقه وانا غلطت في المبلغ و اصريت على خطاي و اعتذر له ما ادري من يكون بس والله الظاهر انه الاخ " املي مباحث " على كل حالة سالفة الصنف و كم يصير من الراتب حاب اقول ان بدل الصاعقه و المضلات صحيح 800 ريال و الصاعقه 400 و المضلات 400


ولا هي بالاساس 1200 ريال يأخذ الحرس الملكي منها 400 <~ ما ادري ليه ياخذ حاب يشارك الظاهر بالموضوع

المهم انها ما تستاهل كل ذا التعب على 800
اقعد اكل خنافيس و اناقز ليل ونهار و في الاخير 400 على صاعقه
و المضلات اقعد اطامر بالسماء ما ادري انا انزل حي ولا لا على 400 ريال بعد
اقول كيف الحال بس
خلونا نتهنا في رواتبنا


ومن ناحية الانتداب الخارجي في حالة السفر مرافق لاحد الامراء فيه احد من الاعضاء قالي ان الانتداب بـ 150 ريال لليوم هذا الانتداب الداخلي يعني انت عملك في الرياض وتم انتدابك لجده تأخذ على كل يوم 150 ريال اما بالخارج يعني سافرت لامريكا ولا فرنسا او اي دوله خارجيه تأخذ 700 ريال على كل يوم طبعاً فيها كسور 740 ريال اتوقع شي زي كذا


على كل حال عوده حميده وحاب ابارك لكم في شهر رمضان بقدومه جعلنا الله وياكم من صوامه و قوامه و المقبولين بالاعمال الصالحه و المبعدين عن نار جهنم برحمة من الله الرحيم الرحمن

نشوفكم على خير