السسلام عليكم .. كما وعدتكم اني بجيب لكم اللي اقدر عليه من الاجابات من واحد ثقة وله معارف في لجنة القبول والتسجيل ..


اول شي سالته عن المقابلات وصعوبتها وتعقيدها اللي كلنا خايفين منه .. كانت اجابته مختصرة وقـآل .. اذا مافيك شي يعيبك ومطابق لللشروط ماراح يردونك لان طالبين عدد كثير هذي السنة .. ويقصد يعيبك يعني مافيك امراض ولا قد سويت عمليات وطولك ووزنك مناسبة ..
وذكر لي كمان بان لجنة المقابلة الشخصية اقل رتبة نقيب وانت طالع ويحاولون يشوشون فكرك بكثرة الاسئلة يعني يسئلونك اثنين في نفس الوقت وكل الاسئلة عامة وسهلة ..

سوالي الثاني كان عن الكشف الطبي و فحص الطول و الوزن .. قال بان الكشف سهل جدا ومايحتاج تشيل همه الكشف راح يركزون ف الجسم كامل في عمليات ولالا .. اما بخصوص الفحص الطبي يكون بمستشفى قوى الامن وفيه صعوبة شوي ..

سوالي الثالث كان عن القطاع وصعوبته .. وكاانت اجابته بان القطاع صعب وعمله فيه خطورة للشخص يعني اي شي يصير بامن الدولة انت بالوجه .. بس رواتبهم زينة و الجندي فيها يساوي ضابط بالجيش .. طبعا تخصصتها كثيرة وافضل التخصصات هي ( امن وحماية _ امن طائرات _ حماية شخصيات ) و العسكري طول مسيرته العملية في دورات .. يعني حتى وانت متعين تاخذ دورات وتفيدك في الترقيات + الاصناف ..

وسالته عن الدورة قال بان الدورة كلها كررررف وصعبة على اللي يصعبها .. ( مافي شي يصعب على الرجال ) ..

وسالته عن النقل قال التعيين اكثر شي يكون بالرياض و الشرقية والغربية بالاجماع .. يعني على حسب الطلب ..

الراتب يقول تبدا من 7400 للجندي من غير الدورات الاضافية ..

ان شاءء الله اكون افدتكم بشي وهذا اللي اتذكره حاليا .. لي عودة باذن الله