يعطيك العافية اخوي مندوب ..
إجابة السؤال : ما اخجل قدام اهلي او صديقاتي لاني مو قاعدة اسوي شي حرام او اخاف منه هذي مشاعر مايقدر الانسان يتحكم فيها (( اللهم هذا فعلي فيما أملك فلا تلمني فيما تملك ولا املك )) .. بس المجتمع أكيد مستحيل لان نظرتهم للأسف للي يحب كأنه مرتكب جريمة تستوجب النبذ وتشويه السمعة ..!!
الحب تشوه في هالزمن وصاروا اغلب الشباب فاتحين شقق مفروشة في قلوبهم ... يحب وحده ومعها عشر بنات هديه ...!!
الحب الصادق القوي يخلي الرجال مايخجل من حبه وبلعكس يعلن قدام العالم كله انه يحب فلانة .. سبحان الله الحب يعطي قوووة ويبعد الخجل ..
على زمن الصحابة رضي الله عنهم كان فيه صحابي اسمه مغيث تزوج صحابية اسمها بريرة وافترقوا .. وكان مغيث رضي الله عنه يمشي خلف بريرة بعد ما حرمت عليه ودموعه تسيل فرق قلب الرسول لها المنظر.. قال عليه الصلاة و السلام :
“يا ابن عباس ألا تعجب من حب مغيث بريرة، ومن بغض بريرة مغيثًا، ثم قال لها لو راجعته، فقالت: أتأمرني؟ فقال: إنما أنا شافع، قالت: لا حاجة لي فيه"
بالله لاحظوا كلام الرسول شوفوا كيف ما أعاب على مغيث ولا قال انه حرام الحب لا تحبها
رغم انهم مش محارم بلعكس حاول يجمع بينهم...!!
فيه قصص حب رااائعة وكثيرة في التاريخ العربي القديم والحديث ... وحتى في التاريخ السعودي المعاصر.. فيه قصص كل بنت تغبط الثانيه على حلاة وروعة حياتها ماشاء الله..
بس الحين غلب على الشباب والبنات اللعب واشباع الرغبات والكلام الفاضي 
اتمنى لو عندي الجرأة الكافية عشان أواجه المجتمع اللي يحرمني من حقي في مشاعري الصادقة... عشان كذا نقول ان اللي مو سعودي افضل لانه مايخجل يعترف انه يحب 
بالله من جد وش فيها لو تزوجت انسان احبه ...!! راح اعطيه كل اللي يبي راح اضحي عشانه بلعكس راح تكون الحياه أجمل حياه ..
يله مانقول غير لنا الجنة ان شاء الله 
“من عشق وكتم وعف وصبر غفر الله له وأدخله الجنة”.