المشاركة الأصلية كتبت بواسطة باقة الجوري

السلام عليكم

عليكم السلام ورحمه الله وبركاته
الله يجزاكم خيرا على التعاون والمعلومات

ومن قال ياررب
قررت اني ادرس بالجامعة وحابة اسالكم كم سوال وجزالله خيرا كل من يرد على
استفساري

تفضلي اختي
1- انامطوي قيدي ومانجحت الا4 مواد كيف الملف انا اجيبة وارسالة ولاعن طريق الجامعة (افيدوني بالطريقة )ولا اجيبة انا وارساله

سؤالك مو واضح بس اللي فهمته انك ماخذه طي قيد بس اي جامعه ماخذه فيها لانني قاعد

اتكلم عن جامعه الملك فيصل بس نصيحتي لك تقدمين يعني لا تنظرين لطي قيد او غيره

وربي يوفقك

2-قررت ادرس علم اجتماع وش رايكم بة سهل ولاصعب وياليت تعطونن معلومات عن الدراسة فية.

هو سهل اذا تذاكرين وصعب اذا ماتذاكرين وهذا شي طبيعي بس اذا تبين نصيحه اخ لك

ادخلي تخصص ادارة اعمال او انجليزي او تقنيه معلومات حاسوبية فهذي هي افصل تخصصات للتوظيف بعد التخرج
3- الرسوم لازم ادفع على طول ولا اذا قرب الاختبار.

الرسوم تدفع بعد مايتم قبلوك في الجامعه يعني بالعربي اذا قبلوك الجامعه تسددي الرسوم

الدراسه وبعدها ترسلين اوراقك عن طريق البريد السعودي والجامعه راح تتكفل برسوم ارسال

اوراقك
4-واقدر احول انتظام اخر ترم .

للاسف ماتقدرين تحولين انتظام بس بيني وبينك الانتظام قلق وقومه الصباح ومايصلح الا للشخص

النشيط اللي ماعنده لا شغله ولا عمله وبعدين نزل قرار في الجامعه ممنوع التحويل من التعليم

عن بعد الي الانتظام
5- وياليت تفيدونن بطريقة الجامعة كيف المحاضرات وحل الواجب يعني الوقت الى افتح الجهاز ولا وشلون مافي وقت محددوكل شي يخص الجامعة لاني ماني عارفة شي بس قريت انة 30 للواجب والمحاضرات و60 للاختبار .

اقولها لك بالمختصر المفيد

عندك 30 درجه تاخذينها اذا سويتي هالاشياء التاليه

1 / حل ثلاث واجبات < الواجبات راح يكون فيه حل لها في ملتقي طلاب وطالبات جامعه
الملك فيصل يعني لا تشيلي هم كل شي واضح

2/ حل المناقشات < طبعا المناقشات سواء حليتيها صح او غلط تسجل لك الدرجه كامله

3 / تحميل المحاضرات المسجله < وهذا من صالحك وبنفس الوقت تحملينها وتذاكرين منها ومو شرط تحملين الماحضره بنفس اليوم عندك ثلاث شهور اي وقت تبين تحملين حملي عادي

يعني بالعربي سواء واجبات او مناقشات او تحميل محاضرات تقدرين تحملين المحاضرات خلال

ثلاث شهور يعني ماعندك وقت محدد

وكذالك الواجبات تحلينها خلال ثلاث شهور يعني مو نفس الشهر او نفس الاسبوع وانتي حرره

وكذالك المناقشات عندك ثلاث شهور تقدرين تحلينها في اي وقت ..

وعلي فكره ترا كل ماده عندك 14 محاضره في الترم يعني مو مثل الجامعات الاخري اللي

سمعته من الشباب ان جامعه الامام محاضراتهم 50 محاضره يعني الله يعين اللي يدرس في

جامعه الامام ههههههههههههه

المهم عندك 70 درجه في الاختبار النهائي

و30 درجه بجيبك تاخذينها

وسسلامتك
اسفة للاطالة وكثر الاسئلة وياليت تعطوني معلومات كان عندكم زيادة