اقتباس:
المشاركة الأصلية كتبت بواسطة بنتوظف
معليش بس وشهي بالظبط شغلة المعقب ؟؟
وش طبيعة عمله يعني ؟
|
الله يسلمك المعقب يروح يخلص اوراق الشركة عند الجهات الحكومية على سبيل المثال ، تروح مصلحة الزكاة وتستخرج لهم صك انهم دفعو زكاة اموال الشركة خلال هالسنة ، طبعا هذي شغلة يوم كامل اول شي تجيب ورقة من المصلحة وتعطيها المدير يعبيها وبعدين ترجع للمصلحة بهالورقة مع اوراق اخرى زي السجل التجاري وصورة هوية صاحب الشركة وتقعد من موظف الى موظف هذا يشيك على حاجة وهذا يشيك على حاجة اخر شي مكتب مدير مصلحة الزكاة يختم لكم على صك استخراج الزكاة النهائي
تخيل لا رحت تستخرج لك انت كمواطن عادي مثلا رخصة قيادة او تجديد هوية وطنية زي كذا
الشغلة فيها ميزة انك طول وقتك برا الشركة على السيارة ، يعني يمديك تخلص مشاويرك بدون مايدرون عنك هههه
بعدين لازم تعرف شي انو يكون عندك اثبات انك تشتغل معقب عند الشركة تجيبه من التامينات ولا ما راح يقبلون منك شي الجهات الحكومية ، وهالحركة بالذات من الدولة الله يعزها عشان يجبرون الشركات الخاصة على توظيف السعوديين ، ولا كان كل شركة قالت لموظفيها الاجانب يخلصون معاملاتها ، بعدين المعقب فرض عليهم يكون سعودي ، اذا مو سعودي مايسجلونه التامينات ولا تقبله الجهة الحكومية اذا جا يراجعها الله يعز الدولة
بس اهم شي تعرف ان فيها ام امين المشورة رايح جاي بين هالدوائر الحكومية وبين الشركة
بالتوفيق وتراني قدمت