السلام عليكم
اجراءات الطايف تفرق كثير عن الرياض
اليوم الاثنين موعدي في الرياض
وصلت مركز التجنيد و التدريب الساعه السادسه
لقـيت الشباب با البركس متكيـن ينتظرون احد يوجهم الساعه السابعه وربع قالو امشو
صف واحد الى الاستراحه مسافت 2 كيلو الباص ما شفناه شكله عطل السواق
المهم انتظرنا ربع ساعه بالاستراحه ثم وجهونا لصالة اللجنه كراسي ومكيفه
وزعو علينا ثلاث اوراق مدبسه مع بعض تعبي فيها معلومات عنك و عن شهاداتك
ومؤهلاتك و عن والديك و عنوانك الدايم , ثم ينادون با الاسم لتوقيع مدري وش عليه
وقعنا ثم يحولك على لجنه يعطيك ملفك وموعدك با المستشفى و البصمات ثم على لجنه
تعطيه صورتين و بطاقتك الاصل ويعبي بيناتك ويدبس الصور ثم توكل على الله وبس
ما عطونا لشيخ القبيله و العمده بس مستشفى و البصمات .
سئلت العسكري قلت القبول هاذا يعتبر قبول نهائي قال ايه اذا اجتزت المستشفى و البصمات تسلم الاصول وتستلم كرت الدوره ’ بعد العيد على ذمة جندي با المركز مدري
لو ما عنده سالفه
و بتوفيق لك اخووي الحسني07
ومشكور على المعلومات
ولجـميع الشباب