المشاركة الأصلية كتبت بواسطة لافندر اند دايسي

الاول : هل يوجد اختلاط او احتكاك بالجنس الاخر ؟ ان كان الجواب نعم اقول الله يغنيني من واسع فضله
نعم (بعض الشركات) فيها اختلاط لكن مو كلها مثل بعض على حسب حزم الإدارة ممكن تداوم الموظفة وتخرج من دون اي تعامل مباشر مع الرجال وخصوصا الوظائف الادارية اغلب التعاملات تتم عن طريق الايميل

الثاني : ماهي طبيعة الوظيفة بالنسبة للعنصر النسائي ؟ كاتبة - سكرتيرة - موظفة خدمة عملاء والعياذ بالله ؟!!!
الكاتبة والسكرتيرة غالباً يتمحور مهامهم في تنظيم البريد الصادر والوارد والرد على التلفون واستقبال الفاكسات وارسالها وتزيد المهام بالنسبة للسكرتيرة مثل عمل حجوزات وارشفة الملفات ومساندة الاقسام الادارية.

خدمة العملاء من اسمها ماتحتاج شرح اغلبها تعتمد بشكل اساسي على الرد على مكالمات واجراء مكالمات والتعامل المباشر مع العملاء

الثالث : كم تقريبا رواتب الشركات الخاصة او الحكومية وهل لها علاقة بتوظيفي عن طريق جدارة ان كانت الرغبة لدي غير تعليمي ؟!!
جدارة ما اعرف عنه كثير اترك الاجابة لاصحاب الخبرة.

رواتب الشركات الخاصة (المفترض) تبدأ من 3000 ريال واذا ابدعتي في القطاع الخاص تطقي الـ 30 الف وفوقها مزايا اخرى كثيرة, القطاع الخاص للناس اللي ماعندها مانع تكرف وتشتغل ليل نهار وطبعا في المقابل تاخذي حق اتعابك

الرابع : مواعيييد دوامات الشركات الخاصة شفتات يعني في مسائي وصباحي او اختار الوقت اللي يناسبني ؟
الوظائف الادارية دوامها غالبا صباحي 8 ساعات عمل, ولك الحرية في اختيار الشفت المناسب إلا في حالة الشركة احتاجتك شفت مسائي.

الخامس : وظيفة كاتبة قصص قصيرة باللغة الانجليزية لها مجال وقبول من قبل مجتمعنا ولا يعتبر مشروع فاشل ؟!!!
هههه والله مدري يبغالك تسوي موضوع استفساء.
مجتمعنا يادوب يقرأ عربي.

اذا عندك قدرة تكتبي قصص قصيرة بالانجليزي انشريها في موقع booksie موقع حلو والناس تتفاعل مع بعض

شوفي الروايات المشهورة بين الشباب والصغار مثل هنقر قيمز وهاري بوتر وحاولي تستوحي منها قصة من خيالك وتأليفك الخاص

السادس : اسماء مجلات او صحف عربية تحتضن وظيفة كاتبة في زوايا صفحاتها وهل تعتبره مساحه للسخرية والاستهزاء ؟
لم افهم السؤال

السابع والاخير هههه : لو بتجه لعالم الاطفال وقصص الاطفال يكون لي جمهور واقبال من قبل مجتمعنا الشرقي ؟ او يقابل بالرفض والتعيييب
بالعكس شوفي قناة اجيال اول تجربة لقناة اطفال سعودية ونجحت ولهم جماهير كثير

ومجتمعنا الشرقي ينقصه المبدعين في هذا المجال.. الى الان اتذكر مجلة ماجد القديمة وكيف كنا وقتها ما نبقي صفحة إلا ونقرأها وجه وقفى

وووبس شكرا لك واسفة اذا اكثرت عليك اسئلة بس من جد محتاجة جزاك الله أعلى الجنان