[align=center][/align]ياشباب وش ذا التحطيم من بدري كم بيعادلون كم سنه بندرس
خلنا ننقبل أول وتراها فرصه لنا حتى لو قالوا دراسه أربع سنوات أربع ومهندس والا تقعد زي مانت فني مكنس
لا حد يتحطم ويقول ماني مكمل لأن الدراسه أربع سنوات أدرس وأجتهد و الرزق عند الي خلقك محد بيآخذ غير رزقه
قابلت واحد في جامعه الملك خالد مقدم على التجسير وهاذي ثالث مره يقدم على كلامه
المره الأوله عادلوله مادتين ودراسه أربع سنوات والثانيه ماعادلوله ولا ماده والدراسه برضوه أربع
المهم الرجال مقدم الثالثه ذالحين ومتحطم لا تكون الدراسه أربع
جلست أضحك وقلت له لوأنك رضيت من أول مره وبديت كان قدك الحين مخلص الشي الكثير ومابقيلك الا القليل
مشكلتنا مانفكر لقدام صح ونلوم الغير ليش كذا المفروض كذذاك
لحد يطفي النور ويقول كذا ماينفع درست سنتين وبعد بدرس أربع ويتركها تراهااااا فرصه لنا متتعوض خصوصاً أن البرنامج مجاناً بأمر من الملك يعني بتدرس ببلاش لاتتركها عشان زياده سنه والا ماعدلولك مواد تمام
وربي يوفق الجميع
على فكره مواد الكلية المفروض ماتقارن بمواد الجامعه من حيث المحتوى وعدد ساعات الماده
ولو كان العكس يكون صحيح
كان معي شباب يدرسون في الكليه وكانوا قد درسوا في أول سنه في الجامعه الي هي السنه التحضيريه يقولي واحد منهم الدرس الي نآخذه في ماده الرياضيات في الكليه ياخذ ثلاث أيام وفي الجامعه ثلاث ساعات