اقتباس:
المشاركة الأصلية كتبت بواسطة منورته
الله يعطيك العافية اخوي موضوعك جدا مفيد و رائع
حابة اسئلك و استفيد من شورك اذا لك علم و ياليت الاخوان اللي عندهم اجبة يشاركون
انا حابة اشتري من موقع صيني شغلة ابتدي تجارتي فيها 35 حبة و الوزن تقريبا بيكون 60 كيلوجرام
ايش افضل طريقة للشحن و المصنع الصيني يقول افضل شي البحر بس ياخذ شهر تقريبا
لان الطرق الثانية راح يكون غالي كثير
و انا ما عندي خبرة هاذي اول تجربة لي ايش شورك كيف اشحن بسعر معقول واقل من شهر ؟؟؟
لان ودي بكمية اكبر لاكن مشكلتي الشحن و بعد ايش بالنسبة للجمركة
هل تصير مشكلة بهالكمية و الوزن ؟؟؟
|
يا مرحبا يا اختي اللي نورت المنتدى ونورت الموضوع
اعتقد الاغراض الشخصية اقل من 100 كيلو الشحن الجوي اسهل وايسر في الاجراءات
انا كنت استورد من المغرب شاي مغربي اقل من 100 كيلو وكان الشحن الجوي السعودي اسهل من البحر بكثير اهم شي تقولين لهم هذي اغراض شخصية مو تجارية عشان ما يحولونك للمختبر اذا كانت مواد غذائية و الباقي تياسير - اتصلي بالخطوط السعودية قسم الشحن الجوي وخذي منهم اسهل الطرق للشحن الجوي من الصين للرياض اوجده او الدمام حسب الاقرب لك - طبعاً يرسلونها لك باسمك الشخصي ولا سجل ولا وجع راس واذا ضيطت معك الشغلة وتوفقتي انا ومكتبي تحت امرك في الكميات الكبيرة واتمنى لك التوفيق