اقتباس:
المشاركة الأصلية كتبت بواسطة الخامسةإلاربع
[align=center]
بسم الله الرحمن الرحيم
السلام عليكم...
أول شي الشهر مبارك للجميع
أنا الحمدلله رايح لثالث ثانوي وحاط عيني على العسكرية
وأنا ما اعرف ولا شي في العسكرية
فياليت تقولولي أفضل الكليات العسكرية من ناحية كل شي.
انا قد سمعت ان فيه ناس بصرهم ضعيف فسوو عملية ليزك ودخلو في العسكرية , هذا شي صحيح؟
وأنا اقدر اسجل مثلا في جامعة الملك سعود والكلية العسكرية مع بعض وإذا قبلوني في العسكرية اسحب ملفي من جامعة الملك سعود ؟ لأن إذا ما قبلوني في العسكرية مقدر اسجل في الجامعة لأن وقت التسجيل بيكون خلص.
وياليت تقولون النظام في العسكرية كيف (يعني التدريب وكم مدة النوم وكل شي )
والسلام خير الختام
[/align] |
[align=center]
وعليكم السلام
الله يبارك لنا ولك ويتقبل منا ومنك
اول شي شد حيلك بالدراسه
بقولك انظمة العسكريه عشان تعرف كل شي عنها
الكليات اللي تقبل الثانوية والجامعه
كليات وزارة الدفاع والطيران :
كلية الملك فيصل الجويه ثلاث سنوات ثم التخرج على رتبة ملازم طيار
كلية الملك عبدالعزيز الحربيه ثلاث سنوات ثم التخرج على رتبة ملازم
كلية الملك عبدالله للدفاع الجوي ثلاث سنوات ثم التخرج على رتبة ملازم
كلية الملك قهد البحريه ثلاث سنوات ثم التخرج على رتبة ملازم
كلية الحرس الوطني :
كلية الملك خالد العسكريه اللي ثلاث سنوات ثم التخرج على رتبة ملازم
هذي الثانوية العامه اما الجامعيين سنة وحده على مااعتقد للكليات الخمس اللي فوق
_______________________
الكليات التابعه لقطاعات الامن الداخلي وتخرج ضابط في احدى قطاعات الامن الداخلي وهي ( المباحث . امن المنشات. مكافحة المخدرات . الامن العام وهو المرور والشرطة وامن المهمات والادلة الجنائية والبحث والتحري الجنائي بالشرطه . الدفاع المدني . قوات الطوارئ . قوات الامن الخاصه .الجوازات . حرس الحدود وغيرها من القطاعات التابعه لوزارة الداخلية ( الامن الداخلي) وهي كلية واحدة :
كلية الملك فهد الامنية لازم جامعي فقط مافيه ثانوية
الجامعي تخصص علمي يتخرج برتبة ملازم اول ومدتها سنه
الجامعي تخصص شرعي يتخرج برتبة ملازم ومدتها سنتين
اذا ان شاء الله تخرجت تقدر تقدم بكل مكان بجامعة بكلية عسكريه بنفس الوقت عادي
بس اهم شي النسبة والقدرات والتحصيلي واذا انت محتاج الوظيفة الحين روح لاي كلية تقبل الثانوية
واذا ظروفك زينة كمل دراستك بكالوريوس ثم ماجستير ودكتوراه وتوظف بوظيفة احسن من العسكريه وغثاها
اما اذا حاط براسك ضابط رواتبهم حلوة الضباط راتب الملازم الاساسي 8000 الا شوي من غير البدلات
واي قطاع عسكري او كلية عسكريه لازم فيه حجز اول الدورة 45 يوم ثم بعدها تزين الدورة على حسب مدتها
وفي الحجز اللي هي ال45 يوم اول اسبوعين يكرفون الطلاب كرف ثم بعده يتعود الطالب ويصير عنده عادي يعني
النظر فيه ناس زينو عملية الليزك وكانو عندهم نقص نظر وعمى الوان يعني مايميزون الالوان وبعد مازينوها رجع النظر وراح عنهم عمى الألوان
[/align]