يا اخوان تكفون تكفون دعواتكم لي بالقبول في كلية الملك خالد العسكرية .

تكفون يا اخوان ، انا توني مخلص من الثانوية ، جبت نسبتن طيبة وممتازة وعالية شوي ، وانا كنت ادرس علمي ، وقدمت على جامعة الملك سعود كرشوني لشقراء ، وقدمت على الأمام الله لايوفقهم وقبلوني تخيلو نسبتي عالية وتخصصي علمي وش التخصص الي حطوني فيه ؟

حطوني تخصص لغة عربية !! يعني في المستقبل اصير مدرس لغة عربية ، وانا ماصدقت على الله اني افتك من اللغة العربية .

والمشكلة هم طالبين مني ملفي واستمارة قبول والشهادة الأصلية ، واذا قبلوني الحرس وسحبت الشهادة من الأمام بيخلوني ممنوع من الجامعة 5 سنوات .

وانا اخاف اذا ماعطيتهم الشهادة الأصلية يرفضوني الحرس .


والي مجنني اخر يوم لأستقبال ملفات المقبولين في جامعة الأمام 12 رمضان ، ونتايج القبول النهائي في الحرس تطلع 15 رمضان .

فيا اخواني تكفون دعواتكم لي ، وان شاء الله اني انا وانتم مقبولين فيها .