السلام عليكم ورحمة الله وبركاته .. اولا مبارك عليكم الشهر ياجماعة الخير .
ثانيا : بخصوص اللي مسجل في التأمينات الاجتماعية وتطلع له لما يشيك ع الموقع هذه العبارة (( أنت مسجل بالتأمينات الاجتماعية ولكن حالياً لاتعمل )) هذه يعني واحد من امرين . 1- انه كان مسجل في شركة وقدم استقاله وسجلوه التامينات عندهم برقم . يعني صار له رقم في التامينات بس ماهو موظف ( لايعمل ) .

الامر الاخر 2- ان ابوك متقاعد ومسجلك معاه بالتامينات على ما اعتقد . بس مافيها اي مشكلة هذي العبارة عادية جداَ

لكن العبارة هذي (( "أنت مسجل حاليا وملتحق بعمل خاضع لنظام التأمينات الاجتماعية " )) تعني انك مسجل في التامينات ولك رقم وموظف في احدى الشركات او المؤسسات . واذا كانت تظهر لك هذي العبارة وانت عاطل ولا عندك شغل لازم في اقرب وقت تراجع التامينات الاجتماعية ويكون معاه اصل الهوية المدنية وتطلع اسمك منهم .
بالتوفيق