تعليق عليك اخوي الشهري.. افضل مجتمع المجتمع السعودي.. حكي فاضي اسمح لي..

والسعودي يعاون الغريب اي بس القريب لو يموت ما عطاه شئ...


اخوي حلو افتخارنا بوطنا.. بس مو حلو افتخارنا يعيمنا..



واذا اختي من اكثر الناس حظا.. كتبت عن الاسويين...


انا ما راح اتطرق لهم.. بس بقول احنا يالسعوديين.. بيناتنا.. احتقار لبعض واذية.. خصوصا في المجتمع القبلي...

اذا انت ساكن في حي كلهم قبيلة وحده.. وانت قبيلة ثانية.. شف كيف يصير فيك.. انواع الاذية والاحتقار..


وبقولك موقف مريت فيه.. بس مو الان موقف قديم من 18 سنة.. ايام حرب الخليج.. طلعنا من منطقتنا وسكنا منطقة ثانية.. في حي كلهم من نفس القبيلة .. واحنا قبيلة ثانية دخليه عليهم... ما بقى نوع من انواع الاذية ما شافوه امهاتنا... والمشكلة الكل يعرف انه هذا البيت اللي ساكناته حريم واطفال ما معاهم رجال.. اكبر طفل وهو عبارة رجال البيت عمره 8سنوات.. ومن يطلع من باب البيت هم له بالمرصاد.. وهاتي تحذف حصى.. ولافيه رجال منهم قال لولده عيب.. ولا رجال حس على دمه.. انه هو جالس بلا قيمة جالس عند حرمته.. وابوان هذولي الاطفال اللي رجع لابار البترول واللي راح يدافع عن الوطن... وصاحب البيت من زود الكرم.. كان يقطع الماي عنّا.. مع انه احنا مستأجرين وندفع عله اجار .. وكل شوي يرفع بالاجار.. واذا ما قبلنا الرفع.. قطع الماي...




وقبل كم سنة بسيطة بس.. صار تجمع لافراد احدى القبائل عندنا.. اعوذبالله من تجمعاتهم.. والله من اطلع من البيت الصبح.. الرصيف يلمع من كثر الزجاج المكسر عليه.. ما يبقى شئ ما يرمونه على باب البيت .. وصل فيهم قلة الادب انهم يرمون زبايلهم على باب بيتنا.. حشى يهود مو مسلمين..


والسيارات انعدمت من اذيتهم.. والمشكلة الاب يكون صاف مع ولده... لحد ما فارقناهم..






يعني لا نقول مجتمع مثالي...

لا مجتمع مثالي ولا شئ...


مجتمع فيه حسنات حلو.. وفيه سئيات يجب نغيرها..