^^^^

يا خيو كلامك صحيح لاكن الناس اللي تقول عنهم يختارونهم او ينقونهم من وسط 1000 واحد ذولي الطلاب المتفوقين فالجامعه

يعني يدورون على حسب التخصص اللي هم يحتاجونه فيه ويعرضون عليه الوظيفة وله الحريه يرفض او يقبل

طبعاً من غير التقديم اللي يكون في الموقع يعني من تحت لتحت

واذا فتحوا التقدم فالموقع برضوا يكون طالبين تخصصات معينه لاكن اي أحد يقدر يشغلها سواء خريجين ثانويه عامه او دبلوم

وترى شغل الإستخبارات مو كله تجسس وبحث والكلام اللي تقول عنه فيه أمن وفيه قوات خاصة وفيه حماية شخصيات ومكافحة إرهاب وأعمال إداريه وغيره مثل القطاعات الثانيه

وهذي اي أحد يقدرو يدربونه عليها ويستفيدو منه يعني انا أبيك تفكر فيها تخيل المهندس او واحد معه شهادة حلوه ويحطوه في تخصص مكافحة إرهاب او قناص او شي ماله علاقه في تخصصه

عشان كذا التقديم هذا اللي فالنت يكون للجميع يعني ماهو محدد للواسطات او اللي شهاداتهم قويه

هي فقط توفيق من الله

واذا على الواسطه انا أخر تقديم قدمت فيه والحمد لله عندي شهادات حلوه أخذت رقم الطلب وعطيته لعقيد فالإستخبارات والله العظيم انه مافادني

وقال بالحرف انا ما أتوسط لأحد يعني هذا قطاع حساس مايتوسط لك فيه غير أبوك عمك خالك أخوك غيره أنسى ى ى

وحتى لو معك واسطه الأهم هو التوفيق من الله سبحانه وماحد يدري وين رزقه ونصيبه ..