اول شي مدري انت ليش سميته هجوم وردة الفعل طبيعيه لكثرة الاعلانات الوهميه للاسف وهل يعني عندما اطالب بتوضيح مميزات الوظيقه انه يتم تجاهل سيرتي الذاتيه؟
او ااني انسان مادي؟
طبعا اهم شي الراتب ياستاذي انا واحد من الناس اللي ارسلت سي في من المنتدى وتم قبولي واتصالات وتنسيق لمدة اسبوووع دون الافصاح ع الرواتب وفي الاخير 2700 الحمدالله والشكر .
الاحترافيه ياستاذي الكريم انك تضع اعلانك مفصل تماما للراغبين بالالتحاق بفريق العمل لديكم ليتسنى لنا الاختيار وعدم اهدار وقتنا ووقتكم اكثر من كدا
مدري وش سالفة الاعلان ع الرواتب سريه مدري وش الخصوصيه فيها للشركه وهل دي احترافيه اذا اخفيت هالمعلومه الاستراتيجيه ؟؟
من حقي كطالب عمل اعرف وظيفتي عدد ساعات العمل الراتب المميزات بغض النظر اذا تناسبني او لا لانها ارزاق بيد الرزاق بس انت يفترض تعلن وظايفك ولنا الاختيار.
يعني يوم ماعرضت الراتب كنت احترافي وشركه احترافيه والحين بعد افصاحك الخطير للرواتب صرت شركه غير احترافيه؟
بعدين حضرتك تفضلت بمعلومه خطيره وفي صلب الاحترافيه التي تنشدها(اني لو استمريت باسلوبي سيتم تجاهل سيرتي الذاتيه سواء بشركتكم او بغيرها)الا تعلم ان الارزاق بيد الله وانا وغيري من الاعضاء ماطلبنا الا حقوقنا لاننا تعبنا من الاعلانات الوهميه في المنتدى
شركه كبري مؤسسه كبري وفي الاخير تلاقيها فندق درجه رابعه بجنوب جده والراتب 2000
اتمنى تجد الاسلوب المرضي والمقنع لك من كلامي عشان تفهمه وان لم تجد فاعلم انك احترافي ومثالي زياده ع اللزوم
كامل احترامي لك