رحت يامالهم العله ان شاءالله , الورشه كانت كويسه واستفدت منها وبعد كذا المقابله مع مستشارة التوظيف وحده بعمري وتوهم موظفينها وحاطينها مستشاره؟؟؟ المهم قلتلها اني ماابغى اختلاط نهائي قالت ماينفع لانه كذا تعجيز قلتلها اي تعجيز قالت انه اغلب الوظايف على الاقل يكون مديرها رجل بس مو اختلاط عمل قلتلها اقولك انا نهائيا ماابغى رجال حتى لو مدير ولا اقابله الا مره بالسنه هذا بالنسبه لي اختلاط, قالت مافي كل الوظايف فيها رجال قلتها الا فيه قطاع التعليم والمعاهد الكومبيوتر وكذا كله نسائي 100 في 100 قالت ايوه بس هم ذحين مسكرين واحنا نبغالك وظيفه الان يعني برمضان << لاحظو كيف يحاولون يوظفون باي طريقه عشان عدد مستفيدي حافز ينقص, المهم قلتلها عادي استنى لان ولي امري رافض فكرة رجل بالعمل حتى لو مدير, طبعا قلبت وجهها وقالت طيب. وسألتني اسئله كثير مال امها داعي, بعدين الغلطه الي ارتكبتها وخاصمني اخوي وبعلي العزيز عليها انها لما سألتني عن الراتب قلتلها يكون فوق 3 الاف وقالولي ليش ماقلتيلها 5 او 4 على الاقل قلتهلم مدري خفت اقولها مبلغ زي كذا وتستكثره وتستبعدني من البرنامج فحبيت اقول شي وسط.. المهم بعدين عدلت معاي على السيره الذاتيه حقتي وطبعتها لي وقالتلي توقعي اكلمك بكره اقولك في وظيفه قلتلها طيب. وفي شي قالته انه لو 5 اتصالات جاتك مننا ومارديتي تستبعدين من البرنامج طبعا انا هنا مره تنرفزت يعني من بعد هالمقابله 5 مرات يتصلون وماارد خلاص باي باي.. حسبي الله ونعم الوكيل في الي كان السبب. على فكره مصدر موثوق يشتغل معاهم قالي ان حقين طاقات الجامعيات تحديدا يستلمون 12 الف شهريا ماشاءالله تبارك الله واحنا قاعدين لنا على المصانع والشركات الي نص كم.. ارزاق
زبدة الكلام يعني لاجاكم اتصال ردو ولا ترى بيقطعون حافز.. وشفت منها اتصال امس بعد ماصحيت لان انتهى دوامهم وطنشتها

الله الموفق