[align=center]بسم الله الرحمن الرحيم

اخواني حبآيبي بأختصآر أسمحولي أوضح لكم الخطوآت بحسب مافهمتها كلهآ تفضلوآ :

1- الخطوة الأولى اللي هي ( CV Details ) في هذة الخطوة تحط سيرتك الذاتيه من خلال تحميلها من جهازك عن طريق الضغط على خانة ( اختيار ملف ) وتحط السيرة وتضغط كلمة ( Attach ) انتظر التحميل لين مايجيك الملف اللي حملتة في الجدول اللي تحت على طول , بعد مايتحمل السي في , ارجع حمل الشهادة الثانوية بنفس الطريقة وبعدها بطاقة الاحوال وبكذآ خلصنا الخطوة هذة لأن الكلام اللي تحت كله مو ألزامي . انزل واضغط على كلمة ( Save and Continue ) .

2- الخطوة الثانية اللي هي ( Personal Information ) هذة الخطوة هي معلوماتك تكتب اسمك ورقم الهوية و وين ساكن وفي اي شارع و منطقة و مدينة والرمز البريدي ورقم تلفون ورقم الموبايل وجنسيتك وديانتك .
* وفيه هنا نقطة مهمة عند الاسم اللي هي ( Preferred Name ) هذة الكلمة تعني الأسم المفضل . ويوجد ايضاَ سؤال مهم اللي هو ( ? Do you hold a current driving licence ) يعني عندك رخصة قيادة ولا لا لازم تجاوب .

3- الخطوة الثالثة اللي هي ( Education and Work Experience ) هذة الخطوة هي الدراسة وخبراتك العملية . الدراسة اللي هي بالبداية يقصد هنا الكورسات اللي عندك اكتبها واكتب مكان الكورس اللي اخذته وايش هو الكورس وفي اي مدينة و اي مستوى .
والخبرات العملية يعني اذا كنت شغال قبل كذا اكتب اسم الشركة ومتى بديت الوظيفة ومتى انتهيت وايش سبب ترك الوظيفة وايش كان مسماك الوظيفي وفيه تحت مربع تكتب فيه بأختصار ايش كانت مهامك الوظيفية يعني طبيعة عملك وتحت المربع اكتب اخر راتب استلمته .

4- الخطوة الرابعة اللي هي ( Additional Information ) هذي الخطوة يعني معلومات اضافية عن كيف سمعت عن شركتنا . وعنك خيارين الخيار الاول تحدد فيه كيف سمعت عنهم انا كتبت عن طريق الانترنت والخيار الثاني تختار منه الموقع هل هو جوجل او اليوتيوب او تويتر او الخ .. وتحت بالاخير اذا حبيت الشركة ترسلك على ايميلك الوظايف الجديدة اذا نزلت حط على المربع الصغير صح و واصل .

5- الخطوة الخامسة اللي هي ( Summary ) هذه ملخص للبيانات كلها اللي ادخلتها .. فقط تأكد منها وحط على كلمة ( Submit ) وبكذا انته كملت الطلب بنجاح .


اسف على الاطآلة ومعليش اذا ماكان الشرح وآفي وكآفي . أي استفسآر تحت امركم [/align]