المشاركة الأصلية كتبت بواسطة و تستمر الحياة

اخوي ..

صدقني يوم من الايام راح تتذكر ايامك اللي انت عايش فيها الحين و تضحك .. ان شاالله ..

مافي شي يدوم على حال واحد هالجمله خلها ببالك دايم ..

بعدين بقولك شي :

انت على بالك ان الاغنياء مبسوطين ؟؟

اقصد مبسوطين نفسياً ؟؟

طيب شوف والله الذي لا اله الا هو ان في ناس من جماعتنا كانوا على قد حالهم بيتهم بسيييييييييييييييط في حي بسيييييييييييييييط و حياتهم مافي ابسط منها .. بس كانوا سعيدين و عايله حلوه و مجتمعه و ايديهم مع بعض دايم ..

قدر الله قبل خمس سنوات ان واحد من اولاد هالعايله ينقتل .. على يد احد اصحابه غدر به .. و لو تعرف كيف قتله و الله يقشعر بدنك ..

المهم ان ابو و ام القتيل رفضوا الديه قالوا ابد قصاص و لا نرضى بغيره ..اخذت القضيه سنتين عشان واسطات اصحاب المعالي و كذا و محاولات انهم يخلون اهل القتيل يرضون بالديه .. و جلسوا يرفعون في المبلغ الين وصلت 30 مليون .. والله العظيم ..
و وقتها لعب الشيطان براس اهل القتيل .. قالوا يا ولد الرجال ميت له سنتين و خلاص الحزن مات خلونا نعيش حنا اجل و الحي ابقى من الميت ..

وافقوا و تنازلوا عن الدم مقابل 30 مليون .. اخذوهاو عاشوا حياه اووووف بس ماشاالله تبارك الله .. اول شي اشتروا قصر في اقصى شمال الرياض .. و الاولاد الباقين طلعوا سيارات من افخم شي .. و العقارات في كل مكان عماير و اراضي .. و واحد من الاولاد فتح له مكتب عقارات و صار تاجر و تزوج و هو توه شاب صغير ..

و الابو صار له مكانه بين الجماعه و صار يسلف بدون ترجيع بعد .. والله العظيم ..

بس على بالك انهم مبسوطين ؟ والله العظيم انهم في حاله مزريه نفسيا و مشاكل و محد درى عن الثاني و الابو تعبان و الام اخسّ منه ..

كل هذا عشان ايش ؟؟ عشان فلوس ؟

و يمكن ربي محتفظ لك بالخير كله للآخره .. يا رب تسكن الفردووووووس يا رب ..

وسع صدرك بس ..

عندي لك فكره .. حول سيارتك ليموزين .. على الاقل تقى لك مصروف اكلك و شربك و لبسك ..

و تراها شغله مربحه بس وين اللي يصمل ..