[mark=#000000]ياشباب هذي تجربت واحد اليوم سواء الفحص [/mark]

فحصت اليوم

الفحص كان كالتالي

نظر يجيب لكم ارقام ورموز صغيرة ومدري ايش ويقول غمض عين وفتح عين ومن هالكلام ، ثم يفحص التنفس ،

بعدها تروح للقسم الثاني تحليل دم وبول الله يكرمكم ،

وبعدها للقسم الثالث يختبرونك بالسمع ، يحطونك بغرفة معزولة ويلبسونك سماعة ويعطونك بيدك اليمين زر واليسار زر ، ويقولون اذا سمعت باليمين اضغط اللي باليمين واذا سمعت اللي باليسار اضغط اللي باليسار ،

وبعدها القسم الرابع والاخير ، اشعة ، يحطك قدام طاولة مدري ايش ، ويسوي الاشغة بدقيقتين وبعدها تمشي ..
[mark=#000000] وهذي تجربته بعد مع الاوراق ومكتب توظيف
[/mark]

وصلت 8 الصبح وما رجعت الا 2 الظهر ،

ساعتين راحت وانا انتظر المرور يفتح ، علشان برنت المرور ،

ورحت عندهم وعطيتهم اوراقي " بطاقة الاحوال الاصلية مطلوبة وصور منها ، والشهادة طبق الاصل مطلوبة مع صور منها ، وبرنت المرور "

ولطعوني للساعة 11 وعطوني ورقة الفحص ورحت للفحص ولطعوني لـ 2 الظهر ليين خلصت الفحص ، ورجعت

[mark=#000000]هذا فحص بالرياض دعواتكم لنا يجينا قبول[/mark]