المشاركة الأصلية كتبت بواسطة جندي اول دجه

ماشاءء الله توك تستوعب هع ..

الف مبروك القبول وعقبال النهائي ..


طبعا لازم تجيب هذي البيانات ..

على جميع المقبولين قبولا مبدئيا إحضار ملف بالمستندات المطلوبة التالية:

• نسخه من الشهادة الدراسية المطلوبة مصدقة من الجهة الصادرة منها والدورات الحاصل عليها.
• نسخه من بطاقة الهوية الوطنية الجديدة مع الأساس للمطابقة على أن تكون واضحة المعالم.
• نسخه من (دفتر العائلة) لوالد المتقدم مع الأساس للمطابقة مع ضرورة وجود اسم الأم وإن لم يكن موجودا بدفتر العائله يجب إحضار "برنت" من الأحوال بذلك.
• عدد ( 6 ) صور ملونة حديثة مقاس (4×6) مكشوف الرأس.
• نسخة من نموذج طلب التقديم عبر الإنترنت.

تعليمات لجنة القبول للكشف الطبي المبدئي:

• حلاقة شعر الرأس رقم (3).
• الحضور بالزي الرياضي (بدون جزمة رياضية) لقياس الطول بشكل دقيق.
• الحضور الساعه السادسة صباحا في موعد الكشف الطبي المبدئي المحدد لكل مجموعة، وذلك أمام البوابة الغربية لقوات الأمن الخاصة بأم الحمام.

كما تعتذر لجنة القبول عن قبول أي متقدم لم يحضر المستندات المطلوبة، أو لم يلتزم بالتعليمات أعلاه.



آول يوم راح يصير معاك التالي حسب كلآم وآحد بالدورة آلآن آلله يوفقه ..

اول يوم طبعا الحضور الساعه 6 الصباح الناس تجي من 4 خصوصا اللي من خارج الرياض .. طبعا اللي لابسين رياضة غير اللي لابسين ثياب لان اللي يلبس ثوب الله يعينه ع اللطعه .. ( بالعربي اللي يبي يخلص سريع سريع يطبق التعليمات كلها ) طبعا يتجمعون عند البوابة وتجيكم الباصات وتشيل اللي اوراقه كاملة ومنها طلب التوظيف .. المهم الجوالات ممنوعه و بطاقة الاحوال تكون باليد لانهم بيطلبونها كثير .. بعدها يدخلونكم ع صالة كبيرة ويجيكم وكيل رقيب ويعطيكم المعلومات و الشروط .. بعدين يبدون ينادون بالاسماء للكشف الطبي ..

طبعا اول يوم هو قياس الطول - الوزن - كشف العظام - اختبار النظر .. بس شرط اساسي توازن الطول و الوزن

اذا عديتها تروح لرقيب ويوقع لك الاجتياز المرحلة الاولى .. بعدها يعطونك موعد للمقابلة الشخصية + الفحص الطبي اللي بالمستشفى .. وغالبا تكون الاسبوع الي بعد الموعد حقك .. المقابلة الشخصية تدخل ع ضباط ويسئلونك اسئله عامة عن الامراء المناطق واسئلة شخصية فيك وباهلك .. وتقرا جريدة وقران .. وبعدها تطلع برى بالصالة ويجيك رقيب ويبشرك يابالقبول او بلاسمح الله رسوب .. في حالة القبول يقولون لك فين تبي الفحص الطبي اي منطقة وتختار انت ويعطيك الملف وتعبية من العمده والشرطة ووووووووو ...

ويحدد لك موعد لتسليم الاوراق .. بعد تسليم الاوراق يقولون لك انتظر اتصال فحص السموم و المسح الامني بوزارة الداخلية .. بعد اجتياز الفحص حق السموم تحدد مكان الدورة وتنتظر الاتصال .. واي استفسار انا حاضر


وحياك الله تجمع المقبولين مبدئيا في قوات الامن الخاصة في جميع اجابات الاستفسارات .. على هذا الرابط

https://www.btalah.com/t438624.html