المشاركة الأصلية كتبت بواسطة الجنرالز

انا مهندس كهرباء خريج جامعه .. طبعا .. انا ماقدمت على شركة الكهرب ابد .. ومستحيل اقدم عليها

انا عندي خلفيه عنها و 80% من زملائي متوظفين فيها ... الشركه فيها اقسام كثييييييير .. التوزيع .. والطوارىء ..الخ .. كل قسم له قوانين وله اداره لحاله ..

الراتب نفسه .. راتب المهندس 10800 ريال الدوام من 7 ونص الين 3 ونص .. طبعا هذا في قسم التوزيع اما الاقسام الثانيه يختلف بعضهم شفتات ..

الي ماخلاني ادخلها هو ان الشركه اسواء خيار يروح له الشخص ..اسألني .. الشركه ماتطورك .. خذها من شخص اكبر منك واعلم منك ومع ذلك تخصصي مرغوب .. وعلى مكتب وراحه
لكن ماانصح بالشركات الشركات تدفع لك راتب وتطلعه مع عيونك .. اخوي كان يشتغل بسابك تركها وراح عسكريه

العسكريه راحه .. الشي الثاني وظيفتك مضمونه لو تبزوط او تسوي الي تسويه مايفصلونك الا اذا تغيبت كثيررررر .. واذا رجعت حبسوك 45 يوم وتباشر عملك .. العسكريه فلوس .. وراحه .. مافيه تعب

بس بتقول لي العسكريه ماتخليني افتح محلات بقولك ياحبيبي .. اذا انت شغال بشركه الكهرب والله بتطلع 3 ونص .. و4 ونص وانت بالبيت .. تلقاك مااكلت كويس وجوعان وبتاكل وبتنام .. بالله كيف يمديك تفتح محلات او تديرها

العسكريه سجل المحل بأسم اي واحد واشتغل فيه لان دوام العسكري اذا طووووووووووووووووووووول مررره من 8 الين 1 ..!! .. والله اني اعرف عريف بالحرس الوطني مايداوم الا 5 ساعات تقريبا .. من 5 الفجر الين 10 الصبح .. ويرجع ينام الين الظهر .. ويتغدا .. ويعيش يومه

انا لو منك اما اكمل جامعه .. او اخش معهد عسكري .. اطلع وكيل رقيب واريح عمري ... بس تذكر انك لو سمح الله صارت مشكله او شي وفصلوك .. ماراح تستفيد شي لان المعهد الي طلعت منه مخصص للكهرباء يعني تروح سنواتك ضياع

واخيرا استخر قبل لاتسوي شي