السلام عليكم ورحمه الله وبركاته
كثرت الاستفسارات عن وش يصير بالمقابله حقت امن المنشات
طبعا اول شي اللي معه جوال لا يدخله معه
ثاني شي لحد ينسى الاستماره وطريقه طبع الاستماره
تخش على موقع امن المنشأت وبعدين القبول والتسجيل
واستعاده رقم الطلب وتحط رقم بطاقه الاحوال وبعدين يطلع لك خيار طباعه الاستماره اضغط وتجيك صفحه انزل اخر شي وحط طباعه
وثاني شي لاحد ينسى يجيب معه بطاقه احواله الاصل
اول ماتخشون طبعا بالشرقيه شوي لخبطه ينادون بالحروف
اول حرف باسمك تسمعه تنطلق للعسكري عاد الله يعينك على الزحمه 
بعدين تمسك طابور طبعا يعجبوني ان الضباط ينقون الناس المتينه والنحيفه مره
والقصاار مرره وحاطين لهم ميزان على جنب يقيسونهم عدو يرجعونهم مكانهم بالطابور
ماعدوا يمشونهم والله يستر عليك
يوم تخش داخل للملعب يقيسوون طولك ووزنك عاد تحمل يطيرون منك صانتي
ماعندك مشكله انا راح علي ثلاثه صانتي بس اجتزت بالطول والوزن
بعدين تختم الاستماره من الضابط ويوقع عليها انك اجتزت وكذا
بعدين نتنظر بالمدرج ولين يجيك دورك وتودي شهادتك والاستماره للعسكري
يدقق فيها ويقولك وين تبي الكشف الطبي وانت تختتار المكان اللي تبيه
ويقولك انتظر الرساله عقب العيد .. وبس هذا اللي يصير
واتمنى اني افدتكم وبالتوفيق للي بعد ماسوو المقابله ..
واحب اذكر اللي طوله تحت 168 لايتعب عمره ويروح
واللي وزنه تحت 50 يحاول يكثر من الاكل لانهم ماراح يمشونه
واللي وزنه زايد يحاول يخفف ولا بتروح عليه
واتمنى لكم التوفيق ..