بسم الله الرحمن الرحيم
اقول للاخوان اللي ردوا على الموضوع جزاكم الله خير
بالنسبه لموضوع الاخ
faisal2035
بدايه اقولك لا تتكلم بدون اي سؤال .. وكان بامكانك توجه اي سؤال ترغبه بدون انك تتدخل بشي ماتعرفه او تشوه سمعه لشركه ماتعرف عنها اي خلفيه .. واذا كنت ملم بشركه ماا فهذا ماينطبق على كل الشركات .. الا اذا عرفت نظام الشركه الكامل وكان عندك اطلاع بعقود الشركه و قوتها الماليه .. وهذا استبعد انه يكون عندك ..
اولا بالنسبه لموضوع صندوق الموارد البشريه واللي تقول فيه ..
( دعم صندوق الموارد البشرية وواضح من كلام الاخ يوم يقول الفضلية لمن لم يسبق لهم العمل عشان الصندوق ما يدعم اللي سبق وتوظف او سجل في التامينات الاجتماعية )
الشركة لا تحتاج الى دعم صندوق الموارد البشريه ولا هي بحاجتها اصلا .. والسبب ضخامه راس المال و قوه الشركة .. و طلبنا هذا الشرط ابتعادا عن المشاكل المتعلقه بالاخوان اللي سجلوا في كم شركه .. واكيد انك سمعت هالمشاكل ..
ثانيــا .. اسم الشركة موجود في العنوان لمن يعرف ان يقرأ و يركز في القراءه وهذي اتوقع انها مشكله عندك ..
ثالثا .. كلامك التالي
( ثاني موضوع تنتبهوا منة العقد الجزائي في حالة رغبتكم في ترك العمل هذا عقد ممكن يربطونكم منة الشركات العقارية ومشكلة الشركات العقارية انهم يضغطون عليك يالموظف يقولك تواصل مع العملاء عن طريق جوالك يعني الفواتير على راسك انت مبينة يوم يقول7- يمتلك سيارة خاصة به وجوال
. ويطلبون من تارجيت خيالي والعمولات تتغير وقت الجد وشغل ضغط نفسي )
اولا في الشركة لا يوجد لدينا دوام جزئي .. تسال ليه وكان بامكانك توجه السؤال قبل ماتكتب .. ابتعادا عن سماسره المكاتب العقاريه ومشكلاتهاا ..
ثانيا .. بالنسبه لموضوع السياره والجوال .. سؤال بديهي كيف راح تتوظف بدون سياره او جوال كبدايه راح تركب تكسي ؟؟ او تتصل من كبينه ؟؟
وللعلم نحن نوفر في الشركه جميع سبل الراحه مايحتاج تطلع برا المكتب كل شي موجود ثابت ، فاكس ، انترنت ، وبالاخيـر رقم جوال خاص بالشركه وتقدر تكلم فيه الشركات والمؤسسات بدون ماتدفع ريال واللي تدفع الفاتوره الشركه ( بحيث انها ماتكون مكالمات شخصيه )
ثالثا .. التارقت اخوي الغالي التارقت هذا خاص بمندوبي المبيعات في شركات الاغذيه الملابس وغيرها .. بالشركه لا يوجد لدينا تارقت .. بالعقل كيف نحط تارقت والعقار ماله يوم محدد تقدر تبيع فيه ؟؟
تقدر تبيع فله بمليون ريال خلال يوم ؟؟
بعكس الشركات الغذائيه اتوقع الالف في اليوم شي طبيعي جدااا ..
لكن ارجع واقولك انت ماقريت الموضوع زين ولا ركزت ابداا وكنت حاب تحط حرتك في شركتك باي مكان وزمن بدون اي سبب ..
الراتب ثابت ويصرف بدايه كل شهر ميلادي طبعا الراتب مايكون كامل اذا كنت نايم او تغيب .. لكن العموله حسب البيع وعموله 10 % من اي مبيعات تقوم فيها والباقي اجتهاد وجد ومثابره ..
بالنسبه لموضوع الشركات الوهميه .. سؤال بديهي ياخوي كيف تقدر تطلع رقم لشركه ويكون مجاني خدمه التسعميه بدون وجود أي سجل تجاري او تصاريح ؟؟؟؟
ياخوي ماتقدر واتحداك وعندك هيئه الاتصالات تقدر تسالهم وتوجه لهم السؤال بهذا الموضوع ...
وكلامك كله مردود عليـك واذا خضت تجربه سيئه فهذا دلليل ان اختيارك خاطئ ..
ولا تعمم الموضوع على كل الشركات العقاريه .. فاصابع يدك ماهي سوا ..
اما اتهامك لي بالنصب .. فهذا دلليل على عقليتك الصغيره والحكم على الشي بدون التاكد دلليل على قله الوعي وعدم الخوف من ربك لانك لو تخاف من ربك ما اتهمت أي شخص بدون أي مبرر صريح و واضح ..
واتمنى انك ترجع وتتاكد قبل لا تكتب اي معلومه بعيدا عن تشويه الصوره الجميله للشركات الممتازه ..
وعلى العموم الشركه ليست بحاجه شهاده احد او مذمه احد لان الشي الصحيح راح يكون صحيح ..
ولك جزيل الشكر