الموضوع: الحلقة الأخيرة من مسلسل العام الماضي
عرض مشاركة واحدة
  #37 (permalink)  
قديم 04-08-2012, 05:20 AM
الصورة الرمزية فتاة الشرقية
فتاة الشرقية فتاة الشرقية غير متصل
عضو مهم جداً
  
تاريخ التسجيل: May 2012
المشاركات: 645
معدل تقييم المستوى: 178868
فتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداعفتاة الشرقية محترف الإبداع



بدأت المعلمات بالمباشرة وبدأت قصصهن أو بالأحرى معاناتهن..
جهزوا علب مناديلكم، الدموع للركب
قصصهن بالصوت والصورة..

الطريق متعب تخيلي 130 كيلو عن بيتي منها 50 كيلو طريق صحراوي الابل فيه سائبه الله يحفظنا بس الي يهونها ان المديره ان شاء الله انها حبوبه

الحمد لله باشرت اليوم المدرسة . المدرسة زينة ماعليها وكمان المديرة والمعلمات حسب ماظهر لي والله اعلم والحمدلله المناهج ماشية والمدرسة مبنى مستاجر فيه الثلاث مراحل
المشكلة الطريق صعببببب انزل من عقبة واطلع عقبة وانا يابنات ماأتحمل العقبات واللفات الكثيرة ادوخ ويجيني غثيان يعني اليوم رجعت البيت الساعة 2ونص
وعلى طول على الفراش دايخة ماصحصحت الا قبل شوي ماادري ايش الحل وطول البارح ابكي واتذكر ابويه الله يغفرله ويرحمه كان يقول ان تعينتي في الديرة انزل معك ونسكن هناك
يااااااااااااااااه ياشوقي لابويه
وهذي صور من المنطقة اللي تعينت فيها

المكان حلو صح ؟؟؟ بس شوفو العقبة

الناس باشرت يوم السبت، وفيه الناس يوم الأحد جتها رسالة المباشرة
وحدة فتحت نفسنا للوظيفة

مرحبا بنات اليوم باشرت تبون الجد كرهت الوظيفه بعد الراحه هههههههههههههههههه، المهم بنات تتتوقعون يشملنا بدل نائي ولالا ؟

وبدت الصورة تتضح من كل إدارة

انا من القويعيه وماعطونا دورة ولاشي بس اسلوبهم قديم في التدريس لامناهج مطوره ولاشي

من القريات، بنات اليوم بطوله واحنا بشؤؤن المعلمات جالسين ننتظر هالتوجييييه من الساعه 8 الين 12 وبالحلقه الاخيره ودوني قرييييييييييه مدري وش تبي واعطوني ابتدائي بس لمن رحت الساعه 12 للمدرسه لقيتهم طالعين كني انبسطت شوي اتخيلو المدرسه مقفله .............. المهم القريه مررررره صغيره والمدرسه والله ناس تقول مجمع وناس تقول تحفيظ قرآن وهي الوحيده بالمنطقه ومو مكتوب عليها شي هههههههههه
وللحين مارتبت وضعي من السكن والنقل بس ادعوا لي انها تتسهل اموري بالسكن والباص وان شاء الله احصل معلمات طيبات اسكن معاهم، واسكتوا ذبحنيييييييييييييييييييييييي البرد الناس مشتين هنا، وبكره ان شاء الله بودي الخطاب للمدرسه وبستأذن عشان ادور ع الاقل شقه مفروشه ثانيه غير اللي انا فيها بهذلت اخوي حرام

جاء يوم الأثنين 19 ذو القعدة، وإدارات الرياض وحايل والقويعية لا حس ولا خبر

عيسى الحربي - سبق – حائل: قالت معلمات بحائل إن جميع زميلاتهن الجدد في إدارات التربية بمناطق المملكة باشرن العمل بعد توجيههن إلى مدارسهن، فيما لازال الصمت من قبل إدارة التربية والتعليم بحائل هو سيد الموقف حيال توجيه المعلمات، الأمر الذي أدخل القلق وعدم الارتياح إلى قلوبهن من تعامل إدارة "تربية" حائل، وتأخيرها إنهاء إجراءات المباشرة والتوجيه.

بعدها بدت بعض الإدارات ترسل رسايل، مساء الأثنين منها الرياض


الحمدلله اليوم خاطبونا بمحايل نجي نستلم الخطابات بس انا وصحباتي اجلناها لبكرة الحمدلله وجهوني لمدرسة تبعد عن بيتي اقل من ثلث ساعة على كلامهم بس ماتمنيت يكون ابتدائي وكمان ندبوني لمدسة ثانية الله يعين بس
رحت باشرت بالهجره حقتي 140 عن بيتي يعني مشوار ساعه ماتوقعت المسافه هذي بالنسبه لمؤهلي ورقمي بالمفاضله بس يله انا مقتنعه ان كل شي خيره وانا واثقه بربي وادري مااختارلي الا الشي الزين وانا راضيه والحمدلله طلعت مديرتي عسل طلبتها تسمحلي اليومين هذي وادوام من السبت والحمدلله وافقت بس قلتلها شوفي انا قدامك اللحين باخذ الكتب والجدول والمدرسات اللي قبلي وين واصلين واجيك السبت جاهزه سيدا على الفصل محضره وقاضيه ووافقت الحمدلله وعرفت وش لي وش علي وطلعت وبداوم من السبت اشوى الحمدلله الثانوي مناهجهم قديمه بس معي اولى متوسط بس مطور اطلعت على الكتب صراحه فضيعه واعجبتني لكن لسى ماقدر احكم على المنهج الان


صرت في قريه صح بعيده ووو مررررررره صغيره ومافيها نت وتبعد 50 كيلو عن المنطقه اللي مستأجره فيها يعني ماقدر ادخل من المدرسه بس للحين نفسيتي احس اني مو قادره اتأقلم ... انا استأجرت مع معلمات ولقيت النقل الحمد لله واقول للبنات اللي يقولون ماراح يباشروون الا متأخرين ... مااعتقد هذا بصالحكم ... شوفوني وربي اليوم بطوله رايحه جايه من المدرسه لمكتب الاشراف اودي واجيب تعب تعب فوق ماتتصوروون مع غربة المكان ...... شعور لااااااااااااا يوصف بس الحمد لله على كل حال وربي ييسر الاموووووور والنقل

أختي باشرت في محايل وكانت صدمة لها القرية تبعد عن بيتها300كيلو وعن أقرب مركز 100 كيلو 33كيلو جلد و30 صخري وكلها عقبة يمشون على حافة الجبل تحلف انه مافيها الا كم سيارة ولازم جيب اللي يمشي هناك ولو جاهم احد هناك من قاطعين الطرق يمديه يذبحهم ويدفنهم ويسوي اللي يبغى بالراحة ومافيها ابدا ابراج جوال ومافيها كهرباء مسكينه بترفضها والله يعوض عليها لاوزيدكم من الشعر بيت السواق ياخذ 2600ريال ويافرحه ماتمت

المهم، إن المفاضلة عادلة ما فيه واسطات، بشهادت المعلمات

التوزيع يكون على حسب نقاطك بالمفاضله والاحتياج يعني انا اول ماحطوني بهجره بعيده 140 وماكنت حاطتها بمخي بتاتا لاني نقاطي بالمفاضله كانت 89 ماشاء الله ينسبتي 90% وممتاز وقديمه متخرجه من 9 سنين ومعاي دورات وخبرات يعني كنت اتوقع اذا مو بنفس مديينتي راح اكون باقرب هجره وانصدمت يوم عرفت انهم حطوني باابعد هجره عن مدينتي وكان زوجي يقول من حطو بالهجر القريبه ماتوقع احد اقدم منك ولا اشطر ههههههه حلوه اشطر اكيد لهم واسطه المهم يوم شفت التوزيع الشامل حق القطاع حقي طلعنا ظالمينهم ولاوحده من تخصصي داخل المدينه ولا حتى بهجره قريبه اقرب وحده حاطينها اقرب مني ب 30 كيلو بس والباقي معاي بنفس المجمع يعني الشغله فعلا مفاضله مالها دخل بواسطه ولولها دخل كان صارت بنت اعرفها ابوها شيخ قبيله ومعارفه بكل مكان حتى مع الامراء توقعت القاها بوسط مدينتها طلعو حاطينها ب 330 كيلو عن مقر سكنها الله يعينها ويرحم حالها يعني المفاضله فعلا بقطاعي عادله مادري عن القطاعات الباقيه

بنات تحبون أكمل القصص وإلا نحط لوحة النهاية
رد مع اقتباس