السلام عليكم ورحمة الله وبركاته

شوف اخوي انا بكون صريح معك ولاني مابيك تتوهق مثلي او مثل غيري

انا اشتغلت فيها لمدة سنه شوف السلبيات:

1- كل فترة يبيلك صيانه وتشييك للسياره

2- مصاريف الطريق (بنشر كفر - وغيره) بس طبعا مو دائما

3- الحوداث الله يكفينا شرها

4- المخالفات

5- بعض الركاب المخالفين يوهقونك وتروح فيها

6- الوقوف بالموقف عشان تحمل بالساعات

7- الحسد من الكدادة الا من رحم ربي

8- مافيها بركة

9- التعب والارهاق

الي ذكرته من خلال تحميلي من مكة الى الرياض والعكس

وبالنسبه للكد داخل مكه في المواسم

الي يقلك ان التحميل من حجز الشرايع للحرم 150 ريال و100 ريال

احب اقلك ان 150ريال تقعد بالزحمه اكثر من 3 ساعات واكثر وربي تنقهر وقتك راح ع 150 ريال

وفوق هذا اجار الشقه الي بتاخذها 100ريال والله صعب كثير ووراك اكل وشرب وبنزين

غير الغشم الي بالزحمه يحكون سيارتك

اذا تبي الشغل بمكة وقت المواسم خلك بالتجارة (بسطه ساعات وخردوات وغيرها)

نصيحتي لك اخوي ابعد عن المكدة

الا اذا مثلا تبي تروح لمكة عندك موضوع بتخلصه >>> مايمنع انك تحمل ركاب لانك رايح رايح تكسب لكم مبلغ

ولد جدي اشتغل فيها 6 سنوات بس لان هو توظف بالرياض واهله بمكه

كل يوم اربعاء يحمل لمكة ويوم الجمعه يرد للرياض

ع الاقل عنده سبب يروح ويجي

مخالفاته وصلت 18000الف

موفق يارب والله يرزقك من اوسع ابوابه