حبيت اتكلم عن تجربتي لمدرستين اشتغلت فيهم
الأولى مااكذب كانت مش بطالة وزميلات العمل ممكن يوسعون صدرك سواليف وقهوه وفطور ووو يعني موبس الدعوه شغل من الصبح للظهر بس مشكلتي ماحب حركات الحريم ابدااا ...فلانة قالت وفلانة سوت وهات ياحش وتنتيف بالعالم وشغل أحزاب واللي مشبكه مع المديرة ومضبطة وضعها واللي مطيحتها ميانه مع البنات حتى مافي شخصية عشان بس لايشتكونها عند المديرة يعني يامعلمات زمااان لكم الله ويييين رحتوا ؟
طبعا غير الضغط النفسي اللي يصير لك بموضوع الدرجات تتعبين طوال السنه وبالأخير توقف على راسك وحده تقولك زيدي هاذي ومفروض هاذي ماتنقصينها !!! اقسم بالله يجيك تأنيب ضمير يكرهك عيشتك الذمة عند أغلبهم وسيييعه
قررت أقدم استقالتي وقالت لي المديرة يمكن تغيرين رااايك هاه ولا هاه قلت لااااا ولافي أمل !
ورحت لمدرسة ثانية وخليت علاقتي بكل أحد رسمييية عشان اتحاشي الحكي اللي ماله سنع بس للأسف كانت المعلمة عندهم لاكرامه ولا إحترام وصاحبه المدرسة متكيه عمتنا بلاافائدة تذكر لوجود المديره أساسا و ممكن تسفل فيك قدام امهات الطالبات عااادي جدا بغض النظر انتي غلطتي ولا لا !! كل هذا عشان كم ألف اللي تحطهم بجيبها !!! ياجعلك تحترقين فيهم مثل ماحرقتي وأهنتي معلماتك مايقطع قلبي الا بعض المعلمات ياحياة الشقا منحددده عالوظيفه ):
يعني لاطبنا ولاغدا الشر << مدري هو صح كذا
وبرضوا كرشتهم وخليهم عاد ياكلونها ويدبرون لهم وحده تحمل وقاحتهم
من الاخر الواحد الزم ماعليه كرامته ونفسه واللي يغلط عليك لاتسكتين له اذا كان الحق معاك ردي عليها واغسلي شراعها << تحمست والله ان تتنافض منك المديره عشان تفتك من شرك اكتشفت المعلمه الزلابه عفوا اللي على نياتها يستغلونها استغلال مقرف احتياط نشاط اذاعة وتمسك حصص عن معلمه تركتهم ويسكتونها بكلمة مؤقت بس وهلما جرااا والملسونه مايطلبون منها شي ومعيشينها جوها وخصوصا اذا كانت معلمة كويسه في ماادتها ومخلصه في عطائها
مااقول الا يالبى قلبك ياااحاافز ياجعل عيني ماتبكيك صح انك ماتجي كلك بس عاادي عزيز وغالي ولابو الذل لابو جده

حافز هذا روحوا خذوا فيه لغة ولا دورات ولاتضيعون عمركم بالمدارس التعباانه
ابراءً للذمة مو كل المدارس نفس الزباله اللي اشتغلت فيهم مثل مافيه شين شووور فيه زيين
والله يوفقكم ويرزقكم المال الحلال جمييييعا قولوا امييين