فكرة ان حافز يسعى لتوظيف الشباب والفتيات هذي من ثامن المستحيلات
والا هذا هو حافز في شهوره الاخيرة
كم واحد توظف .. وماهي الوظائف .؟ هل على مستوى الشهادة والا ..
والتحديث هذا اللي كان كل شهر وصار كل اسبوع وش نفهم منه .. ؟ وش الهدف ..
واحنا كل يوم ندخل ونحدث .. وندخل ونحدث .. ونردد ياليل ما اطولك .. ولافي شي جديد
والا الدعوى كلها عشان يخصمون من هالمسكين 200 والا ما يشبه

وشرط العمر .. هذا اللي زاد وغطى ..جد شر البلية ما يضحك
اللحين يعني الواحد لاصار عمره 35 يروح يموت احسن له .. وبلاش يعيش
اي منطق سقيم هذا يا آل حافز النشالين

والله شي يقهر وانا اعتقد والعلم عند الله ان حافز كان مجرد <بزازة>
مو اكثر بلا وظائف بلا هم

ما قول الا حسبي الله ونعم الوكيل فيمن كان سبب في التضيييق على المواطن